DENSAÝLYQ: Júrek neden aınıdy?
ASTANA. QazAqparat - Júrek neden aınıdy? Bul suraqqa jaýap izdeýdiń joldary kóp. Biraq, neden aınyǵanyn tabý qıyndaý. Ádette, júrek maıly taǵamdardan, ýlanǵannan, alkogoldi ishimdikterdi kóp ishkennen, kúızelisten aınıdy. Sondaı-aq, áıelderdiń júktilik kezinde de júrek aınýy qalypty jaǵdaı sanalady.
Júrekti aınytatyn jaǵdaılar kóp. Sonyń ishinde siz bile bermeıtin, bolmasa sırek kezdesetin túrleri týraly aıta ketkendi jón sanap otyrmyz.
Mýltıdárýmender. Bular jaıdan-jaı júrekti aınytpaıdy. Eger qalaı ishý erejesin bilmeseńiz, onda júregińiz aınýy múmkin. Ol úshin mýltıdárýmenderdi ash qarynǵa ishýge bolmaıtynyn este ustaǵanyńyz abzal. Tamaqtanyp bolǵan soń ǵana ishý kerek.
Kofeden bas tartý. Kúnde kofe iship júrip, birden ishýdi toqtatsańyz, onda júregińiz aınýy múmkin. Ol úshin kofeni azdap iship júrip toqtatý kerek.
Terleý. Aryqtaý úshin, nemese aýrý-syrqaý úshin keıde terleýge keńes beremiz. Biraq, adam terlegende júregi aınýy múmkin. Ondaı sátte bir jutym sý ishken durys.
Ekstremaldy sport túrlerimen shuǵyldanǵanda da júrek aınýy múmkin. Sondaı-aq, júrek aıný tómendegideı birneshe túrge ajyratylady:
ýyttyq - ártúrli ýlarmen, taǵam ónimderimen, sondaı-aq endogendi ýyttarmen ýlanýdan týyndaıdy;
mıǵa qatysty - onyń negizinde bas mıynyń aýrýlary jatady. Іs júzinde árqashan arterııalyq jáne bas súıekishilik qysymmen baılanysty bolady. Mundaı jaǵdaıda sebebi mı isikterinen, aterosklerozdan, dıentsefaldyq daǵdarystan, gıpertonııadan bolady;
metabolıkalyq - shamadan tys tamaqtanýdan, ashtyqtan, dıabetten, gıpovımamınozdan, zattar almasýynyń buzylýynan týyndaıdy;
reflektorlyq - kezbe júıkelerde bolatyn retseptorlardyń shamadan tys titirkenýimen jáne shyryshty asqazan-ishek jolynyń qabynýymen baılanysty.
massaget.kz portalynan alyndy.
