DENSAÝLYQ: Júktilik kezindegi kúızelis nege qaýipti?
ASTANA. QazAqparat - Júktilik kezindegi kúızelis qaýipti. Júktilik kezinde áıelderdiń psıhıkasynda kóptegen ózgerister bolady. Ásirese, umytshaq bolyp bara jatqany týraly jıi shaǵymdanytyny jasyryn emes, tipti, bul qalypty jaǵdaı sanalady. Biraq, júktilik kezinde kúızeliske jol bermeýge tyrysý kerek, dep jazady Massaget portalynyń "Densaýlyq" aıdarynda.
Qorqynysh, ýaıym, ókpe-renish pen kúızelis jatyrdaǵy kishkentaı ómir ıesine kóp kúsh salady. Sondaı-aq, júkti áıeldiń psıhıkasyna da áser etedi. Jaqynda ǵalymdar júktilik kezindegi kúızelistiń umytshaqtyqqa da ushyratynyn málimdedi. Qatty kúızelis áıeldiń jadyna da keri áserin tıgizedi eken.
Kúızeliske ushyramaý úshin ne isteý kerek?
Birinshiden, múmkindiginshe kóbirek jaqsylyq týraly oılaý, bosańsýdy úırený;
Ekinshiden, ýaıymdaryńyz ben sezimderińiz týraly jaqyn jandaryńyzben sóılesý;
Úshinshiden, kóńil-kúıińizdi bógemeı, ashyq jetkizý;
Tórtinshiden, birqalypty dene shynyqtyrýǵa da erekshe mán berý kerek.
Besinshiden, durys tamaqtanyńyz. Osyǵan baılanysty aǵzadaǵy bıohımııalyq protsessterdiń kóbi psıhologııalyq jaǵdaıǵa áser etedi.
