«Densaýlyq joly - 2015» aktsııasy aıasynda jyljymaly medıtsınalyq keshender arqyly shalǵaı aýyl turǵyndardy tekserýden ótedi

ASTANA. QazAqparat - «Densaýlyq joly - 2015» respýblıkalyq aktsııa sheńberinde 2015 jylǵy 3 jáne 9 tamyz aralyǵynda jyljymaly medıtsınalyq keshender (ári qaraı JMK) Mańǵystaý oblysy Munaıly jáne Mańǵystaý aýdandarynyń shalǵaıdaǵy aýyldaryna barady. Shebir, Shaıyr, 1, 2 jáne 3 aýyldardyń turǵyndary tegin skrınıngtik tekserýden ótip, áleýmettik mańyzdy aýrýlar boıynsha aqysyz medıtsınalyq kómek alatyn bolady.
None
None

Bul týraly QR Densaýlyq saqtaý jáne áleýmettik damý mınıstrliginiń baspasóz qyzmeti habarlady.

Jumyldyrý toptarynyń shyǵýy okýlısterdiń, oftalmologtardyń, terapevterdiń, pýlmonologtardyń, pedıatrlardyń, kardıologtardyń, hırýrgtardyń jáne akýsher-gınekologtardyń qatysýymen uıymdastyrylytyn bolady. Top quramynda okýlıster, oftalmologtar, hırýrgtar, akýsher-gınekologtar, terapevter, pýlmonologtar, pedıatrlar jáne kardıologtar bar.

Atalmysh kúnderi jyljymaly medıtsınalyq keshender Qyzylorda oblysy Qarmaqshy aýdanynyń 3-shi ınternatsıonal aýylyna, Qazaly aýdanynyń 6, sondaı-aq Jańaqorǵan aýdanynyń 3 aýylyna barmaqshy. Medıtsınalyq jumyldyrý brıgadalarynyń quramynda terapevtıkalyq, kardıologııalyq, endokrınologııalyq, ftızıatrlyq, onkologııalyq jáne salaýatty ómir saltyn qalyptastyrý qyzmetteriniń mamandary bar.

4 jáne 5 tamyz kúnderi Almaty qalasy medıtsınalyq uıymdardyń qyzmetkerleri aqparattyq-keńestik kómek kórsetip, «D-Market» ámbebap bazarynda zerthanalyq-dıagnostıkalyq tekserý júrgizetin bolady.

5 tamyz kúni jyljymaly medıtsınalyq keshen Atyraý oblysy Isataı aýdany Hamıt Erǵalıev aýylyna barady. Aýyl turǵyndaryn tájirıbeli mamandar qaraıtyn bolady. Sonymen qatar, laboratorııalyq jáne aspapty zertteýler de uıymdastyrylady (ÝDZ, EKG, rentgen).

Esterińizge sala keteıik, aýyl turǵyndaryna salaýatty ómir saltyn qalyptastyrý máseleleri, áleýmettik mańyzdy aýrýlar boıynsha oqý-aqparattyq jáne tájirıbelik kómek kórsetý maqsatynda aǵymdaǵy jylǵy 1 shilde men 31 tamyz aralyǵynda respýblıkanyń barlyq óńirinde «Densaýlyq joly - 2015» keń kólemdegi aktsııasy ótip jatyr.

Сейчас читают