DENSAÝLYQ: Jasyl óskinderi bar kartopty nege jeýge bolmaıdy?
ASTANA.QazAqparat - Alaıda, ol bolmashy ǵana mólsherde bolǵandyqtan aǵzaǵa eshqandaı áser etpeıdi. Kartopty durys saqtamasa, ol jasyl túske ene bastaıtyndyǵyn bárimiz bilemiz. Dál osy jasyl qabatta tipti qaınatqanda da buzylmaıtyn ýly solanın jınaqtalady.
Alqa tuqymdy ósimdikterdiń barlyǵy, sonymen qatar, kartop ta solanın dep atalatyn ýly zattan turady. Ol tuqymdy parazıt sańyraýqulaqtardan qorǵap turatyn zat. Tipti, pisken kartoptan da onyń izderin tabýǵa bolady. Eger sondaı kartopty jese, adam qatty ýlanyp qalýy múmkin: aýyzda aşy dám paıda bolady, adam loqsyp, qusyp, ishi aýyrady. Al odan da qıyn jaǵdaıda keńistikte baǵyttan jańylysý paıda bolady. «Meńdýana jegendeı qutyrý» (alqa tuqymdyǵa jatatyn meńdýananyń quramynda da solanın bar) degen tirkes osy solanınmen ýlanǵan adamnyń turpaıy júris-turysyn sıpattaıdy. Kartoptyń jasyl qabatyn tuqymnyń tek tórtten bir bóligin alyp tursa ǵana kesip alyp tastaýǵa bolady. Al odan kóp bóligi zaqymdansa, paıdalanýǵa bolmaıdy. Sondaı-aq, óskinderi ósip ketken kartoptyń da quramynda solanın kóp bolady. Ásirese, eń kóp qory óskinniń ósip shyqqan kózshelerinde jınaqtalady.
Tórtten bir bóligi jasyl bolyp ketken kartopty jeýge bolmaıdy. Al odan az bolsa, solanınniń jınaqtalǵan jerlerin mindetti túrde kesip alyp tastaý qajet.
yvision.kz saıtynan alyndy.
