«Densaýlyq» jáne «Járdem» konsýltatıvti-dıagnostıkalyq poıyzdary bıyl 40 myńnan astam adamǵa kómek kórsetti
ASTANA. 10 qarasha. QazAqparat - Bıylǵy jyly «Densaýlyq» jáne «Járdem» konsýltatıvti-dıagnostıkalyq poıyzdary 91 stansyda turǵyndardy qabyldady. Nátıjesinde 40 myń 131 adam tekserýden ótti. Onyń 11 myń 744-i balalar.
Bul málimetti búgin Densaýlyq saqtaý mınıstrliginiń baspasóz qyzmeti taratty.
Dárigerler 220 myń 96 ret azamattarǵa baryp, kómek kórsetip, 144 myń 427 dıagnostıkalyq zertteýler, 190 shaǵyn ambýlatorııalyq operatsııalar júrgizgen. Sondaı-aq mamologtar 5 myń 340 áıeldi qarap, 10 myń 144 balaǵa stamotologııalyq kómek kórsetilgen.
«Qazaqstan Prezıdentiniń 2011 jyldyń 28 qaıtaryndaǵy «Bolashaqtyń irgesin birge qalaımyz!» atty Joldaýynda kórsetilgen mindetterge sáıkes, 26 qyrkúıekte «Salamatty Qazaqstan» úshinshi konsýltatıvti-daıgnostıkalyq poıyzy jolǵa shyqty.
Bul poıyz osy ýaqyttyń ózinde Pavlodar men Aqmola oblystarynda
19 stansyda 8 myń 216 adamǵa qyzmet kórsetti. Olardyń 2 myń 122-i balalar. Al dárigerler 25 myń 447 ret naýqastardy qaraýǵa shyǵyp, 13 myń 105 dıagnostıkalyq tekserýler júrgizildi. Sondaı-aq mamologtar 861 áıeldi qarap, 2 myń 164 turǵynǵa kómek kórsetti. Poıyz endi Qostanaı oblysynyń turǵyndaryna kómek kórsetetin bolady.
