DENSAÝLYQ: Záıtún maıynyń paıdasy qandaı?
ASTANA. QazAqparat - Záıtún maıy kóptegen ǵasyrlar boıy halyq medıtsınasynda paıdalanylyp keledi.
Ony kez-kelgen aýrý túrine qoldanǵan: stomatologııada, asqazan aýrýlary, teri aýrýlary, ýlanýda jáne t.b. Záıtún maıy búkil álemde eń paıdaly, emdik qasıetke ıe maı retinde tanymal. Densaýlyǵymyzǵa tıgizer paıdasy orasan zor: - terimizdi ylǵaldandyryp, jumsartady; - jasartatyn qasıetke ıe. Quramyndaǵy E dárýmeni men antıoksıdanttar ájim túsýdi boldyrmaıdy; - teri jasýshalaryn qalpyna keltirip, dermatıt pen qurǵaqtyqtan saqtaıdy; - tumaýda; - asqazan-ishek joldary aýrýlarynda; - bas aýrýynda; - ekzema, konıýnktıvıt t.b. aýrýlarda kómektesedi. Dárigerler záıtún maıyn tamaqpen birge kúnine kem degende bir ret qoldaný - áıelderdiń omyraý bezi obyrynyń aldyn alyp, onkologııalyq aýrýlarmen kúresetinin aıtady. Sebebi, záıtún omyraý bezi obyrynyń paıda bolýyna sebep bolatyn HER-2/neu onkogenine qarsy turady. Basqa maılarǵa qaraǵanda ońaı sińiriledi, sondyqtan kez-kelgen qan tobyndaǵy adam paıdalana alady. Qoldaný joldary: Záıtún maıyn kúndelikti tańerteń ashqarynǵa bir qasyq iship tursańyz, kez-kelgen aýrýdyń aldyn alyp, densaýlyǵyńyzdy saqtaı alasyz. Teri kútimi. Ol bet terisine ǵana emes, sondaı-aq, shash, tyrnaq, búkil deneńizge jaqsańyz, terińizdi jibekteı jumsaq, tegis etip qalpyna keltiredi. Qoldaný da qıyndyq týǵyzbaıdy. Tańerteń jáne keshke bet terisine krem jaqqandaı etip jaqsańyz bolǵany. Uıyqtar aldynda jaqsańyz boldy. Qurǵaq shashty ylǵaldandyryp, maıly shashty qalpyna keltiredi. 30 gramm záıtún maıy men eki jumyrtqanyń sarysyn aralastyryp, shashyńyzǵa jaǵyp jarty saǵattan soń jyly sýmen sýsabynmen jýyp tastaısyz. Aptasyna bir-eki ret osy maskany jasap tursańyz, shashyńyz jumsaq, jyltyr ári saý bolady. Aqparat Internetten alyndy.
