DENSAÝLYQ: Záıtún maıynyń paıdaly qasıetteri
ASTANA. QazAqparat - Záıtún maıy erte kezden beri óziniń paıdaly qasıetterimen belgili. Halyqta «Súıik altyn» degen atpen tanymal maı, ejelgi zamannan bastap medıtsınada, dene, shash kútiminde, as daıarlaýda jáne kúndelikti turmysta keńinen qoldanylyp kele jatyr.
Zertteýshi mamandardyń aıtýynsha, záıtún maıynyń hımııalyq quramy erekshe. Onda adam aǵzasyna eń kerekti vıtamınder, qyshqyldar, mıkroelementter jınaqtalǵan. Ol ósimdik maılarynyń arasyndaǵy qorektik nári eń qýattysy bolyp tabylady. Quramyndaǵy A, B, C, D, E, F, K vıtamınderi totyǵý arqyly adam aǵzasyna qaýip tóndiretin erkin radıkaldarmen kúresedi. Sondaı-aq boıdaǵy súıek pen bulshyq et tinderin qataıtyp, asqazan, ishek jumysyn jaqsartady. Basqa maılarǵa qaraǵanda záıtún maıynda kóp kezdesetin lınoleı qyshqyly denedegi holesterındi azaıtady, jaralardyń tez jazylýyn qamtamasyz etip, kózdiń ótkirligin kúsheıtedi. Óz kezeginde fenoldar ımmýnıtetti kóterip, kárilikti baıaýlatady.
Záıtún maıy aǵzaǵa jaǵymdy áser beretindikten ári denedegi maılardy ydyratatyndyqtan mamandar ony dıetalyq ónimder qataryna jatqyzady.
Záıtún maıyn turaqty túrde paıdalaný asqorytý júıesin qalypqa túsirip, holesterın dárejesin tómendetip,júrek-qan tamyr aýrýlarynyń aldyn alady. Záıtúnniń taǵy da bir tamasha qasıeti qaterli isik aýrýyna dýshar bolý qaýpin seıiltetindiginde jáne munyń bári de ǵylymı túrde dáleldengen.
Dıabet aýrýyn emdeýdegi záıtún maıynyń ereksheligin aıtpaı ketýge bolmaıdy. Sońǵy zertteýler bul maıdyń dıabetti qadaǵalap tura alatyndyǵyn kórsetti. Sondaı-aq, kún saıyn ash qarynǵa qabyldanatyn 1 qasyq záıtún maıy, ımmýnıtetińizdi kúsheıtýge, artyq salmaqtan arylýǵa jáne as qorytý máselelerin sheshýge kómektesedi.
Mysaly, záıtún maıyn qyrynýǵa arnalǵan kremniń ornyna qoldanýǵa bolady. Elestetip kórińiz: úırenshikti jaǵdaı - sizge shuǵyl túrde depılıatsııa jasaý kerek, alaıda, qyrynýǵa arnalǵan krem qas qylǵandaı taýysylyp qaldy. Alaıda, úıińizde záıtún maıy bolsa ýaıymdaýǵa esh sebep joq. Ol terińizdi qyryp qana qoımaı, sondaı-aq isinip qyzarýdan saqtaıdy jáne ylǵaldandyrady.
Al eger siz jaz boıy kúnge ádeıi kúıip, biraq sonda da, ádemi jáne bir qalypty reńkke qol jetkize almasańyz, deneńizge záıtún maıyn jaǵyp kórińiz. Ol terińizdi nárlendirip, ádemi altyn tústes reńk syılaıdy. Degenmen, kúnge kúıip qalmaý úshin, ár 10 mınýt saıyn sýǵa túsip turýdy umytpańyz.
Sonymen qatar, záıtún maıyn shash kútiminde de paıdalanýǵa bolady. Shashyńyz qurǵaq bolsa, al bas terińiz qabyqtansa, záıtún maıyn qoldanyp, shashqa arnalǵan shıpaly kondıtsıoner daıyndaýǵa bolady. Ol úshin, jarty kese ysytylǵan maıdy shashyńyzǵa jaǵyp, basyńyzǵa arnaıy telpek taǵyp, onyń ústine súlgi orap, sol kúıde 45 mınýt otyrý qajet. Ýaqyt ótken soń, shashyńyzdy sabyn sýmen jaqsylap jýý kerek. Bul ádis shashyńyzdyń ádemiligin qaıtarý úshin óte tıimdi.
Terińizdi jazataıym kúıdirip alsańyz, záıtún maıy, kúıik jeriniń tez jazylýyna kómektesedi. Maıdyń quramyndaǵy A, E jáne D dárýmenderi teri jasýshalarynyń qalpyna kelýine yqpal etedi. Onyń ústine, záıtún maıy, mıkrobtardyń jaraǵa enýine bóget jasaıdy.
Sondaı-aq, kún saıyn, ash qarynǵa qabyldanatyn 1 qasyq záıtún maıy, ımmýnıtetińizdi kúsheıtýge, artyq salmaqtan arylýǵa jáne as qorytý máselelerin sheshýge kómektesedi.
Aqparat Internetten alyndy.
