Densaýlyq vıtse-mınıstri Túrkistan oblysynda jumys saparymen júr
Oblys ákiminiń orynbasary Sáken Qalqamanovpen birge halyqqa kómek kórsetip jatqan birneshe medıtsınalyq nysandy aralap, dárigerlermen kezdesti.
Densaýlyq saqtaý mınıstriniń orynbasary aldymen Ordabasy aýdanyndaǵy ortalyq aýrýhanada boldy. Emdeý mekemesi jergilikti 120 myń turǵynǵa qyzmet kórsetedi. Aýdanda koronavırýs ınfektsııasyn juqtyrǵan 158 naýqas tirkelgen. Ókinishke qaraı, 2 adam qaıtys boldy. Qýanyshtysy, qazirgi tańda Ordabasy aýdanynda koronavırýs ınfektsııasymen aýyryp jatqan naýqas joq. Provızorlyq ortalyqtaǵy oryndar sany qyryqqa deıin azaıdy. Aýdanda 9 ókpeni jasandy jeldetý apparaty jáne 70-ten astam ottegi kontsentraty bar. Dár-dármek qory jetkilikti, eshqandaı tapshylyq joq. Aýdanda qurylǵan 17 mobıldi medıtsınalyq top 1 myńnan asta adamnyń úıine baryp qyzmet kórsetti.
Іndet órshigen kúrdeli kezeńde avtomatty baılanys (CALL-ortalyq) júıesi iske qosyldy. Bir mezette birneshe qońyraý qabyldanyp, azamattardyń suraǵyna dereý jaýap berildi.
Ajar Ǵınııat budan soń Túrkistan oblystyq nómiri 3-shi perınataldy ortalyq pen Túrkistan qalalyq emhana qyzmetimen tanysty. Oblystyq perzenthana Túrkistan, Kentaý qalalary men Sozaq jáne Otyrar aýdandarynyń 450 myń halqyna qyzmet kórsetedi. Ortalyqta júkti áıelderge mamandandyrylǵan dárigerlerlik kómek pen dıagnostıkalyq qyzmet tolyq qamtamasyz etilgen.
Túrkistan oblysyndaǵy jalpy ahýalǵa toqtalar bolsaq, qazirgi tańda gospıtaldardaǵy jáne provızorlyq tósek-oryndar sany 2 esege deıin qysqardy.
«Sanıtarlyq nusqaýlardy áli de umytýǵa bolmaıdy. Bul vırýs eshqaıda ketken joq. Juqtyrýdy boldyrmas úshin barlyq qaýipsizdik sharalaryn qadaǵalaýymyz qajet. Aýrýshańdyqpen kúres tek medıtsına qyzmetkerleriniń ǵana emes, ár azamattyń jaýapkershiligi. Sol sebepti halyq arasynda túsindirme jumystaryn kóp júrgizý qajet. Bul tusta oblystyq ákimdik qyzmetkerleri tarapynan da qoldaý kórsetilýde. Jalpy, óńirdegi medıtsına uıymdarynyń indetpen kúreske joǵary daıyndyǵyn baıqaýǵa bolady. Máselen, Ordabasy aýdanynda qazir koronavırýs ınfektsııasymen naýqas joq», - dep atap ótti A. Gınııat.
2020 jyldyń 30 naýryzynan bastap 14 tamyzy aralyǵynda koronavırýstyq ınfektsııa rastalǵan 3105 naýqas tirkeldi. Saýyǵyp shyqqan adamdardyń sany 2711 nemese jalpy syrqattanǵandar sanynyń 87,3 paıyzy. Onyń ishinde sımptomsyz jaǵdaıdaǵy 1838 adam da jazyldy.