DENSAÝLYQ: Tyrtyqtan qalaı arylýǵa bolady?
ASTANA. QazAqparat - Túrli sebeptermen bolǵan jaraqattan qalatyn tyrtyqtan arylý joldary jeterlik. Solardyń anabol.kz saıtynda jazǵan birneshe túrin usynamyz.
Lımon shyryny
Lımon shyrynyn tyrtyqqa kúndelikti jaǵyp otyrý kerek. Bul emdi nátıje shyqqansha jalǵastyryńyz. S dárýmenine baı lımon shyryny dóńkıip turǵan terini jumsartyp, ornyna keltiredi jáne qyzarǵanyn (keıbiri kógergendi) basady.
Aloe vera
Ol teriniń qaıta qalpyna kelýin qamtamasyz etedi. Aloe vera shyrynynda S jáne E dárýmenderiniń mólsheri kóp. Olar terini jasartyp, emdeıtin antıoksıdanttar ekeni belgili.
Aspırın
2 tabletkany untaqtap, qoımaljyń bolýy úshin 1-2 tamshy sý tamyzyńyz. Ony tyrtyqqa jaǵyp, keýip qalǵanda sýmen jýyp tastańyz. Bul emdi kúndelikti qaıtalańyz.
Bal
Bal terini qajetti dárýmendermen, mıneraldarmen jáne antıoksıdanttarmen qamtamasyz etedi. Tyrtyq bolyp, qataıǵan terini jumsartyp, teriniń tabıǵı túsin qaıtarady. Sondaı-aq, teriniń jańa jasýshalarynyń túzilýine áser etedi.
Alma sirkesýy
Onyń da qataıǵan terini jumsartatyn, túsin qaıta qalpyna keltiretin áseri bar. Sondyqtan, kúnine birneshe ret alma sirkesýymen tyrtyqty súrtý paıdaly.
Sarymsaq maıy
Onymen de tyrtyqty emdeýge bolady. Eger sarymsaq maıy tabylmasa, sarymsaqtyń ózin ezip alyp, tyrtyqqa basý kerek.
