DENSAÝLYQ: Tuz nege zııan?
ASTANA. QazAqarat - Qazir keıbir adamdar salaýatty ómir súrý úshin temekiden, spırtti ishimdikterden, gazdy sýsyndardan, qýyrylǵan etten bas tartqan. Biraq shamadan artyq tuz bulardan da zııandyraq, dep jazady massaget.kz portaly.
Dúnıejúzilik densaýlyq saqtaý uıymy (DDSU) álemde keń etek alyp bara jatqan juqpaly emes aýrýlardyń temekiden keıingi sebepshisi ári eń qaýiptisi - tuz dep málimdedi.
5 myń jyl buryn kúnine jarty gramm tuzben ómir súrýge úırengen adamnyń tuzdy qoldanýy sońǵy dáýirlerde birden artty.
Qazir tuzdyń táýliktik tutynylýy orta eseppen 8 grammǵa kóterildi.
Onyń basty sebepteriniń biri - daıyn tamaqtardyń paıda bolýy.
Japonııada 50 jyl buryn qoldanylatyn tuz mólsheri kúnine 18 gramm bolǵan. Sol sebepti sal (paralıch) aýrýyna shaldyqqandardyń sany óte kóp boldy. Keıin úkimet tuzdyń tutynylýyn azaıtqannan keıin onyń táýliktik mólsheri 4 grammǵa tústi. Al sal aýrýymen aýyratyndar 80 paıyzǵa azaıǵan. Tuz qoldanylymy 2 gramm azaıtylǵanda, 4 jylda júrek aýrýymen aýrý qaýpi 25 paıyzǵa azaıǵan.
