Densaýlyq týraly jańa jýrnal jaryqqa shyqty
ALMATY. Aqpannyń 18-i. QazAqparat /Erbol Azanbek/ - Almatyda «Denińiz saý bolsyn» degen atpen orys tilindegi otbasylyq jańa jýrnal jaryqqa shyqty,
dep habarlaıdy QazAqparat.
«Basylym Medeý aýdandyq shaǵyn jáne orta bıznesti qoldaý qaýymdastyǵynyń kómegimen jaryq kórip otyr. Jýrnaldyń basty baǵyty densaýlyq salasyn, salaýatty ómir saltyn nasıhattaý. Biz turǵyndarǵa óz quqyǵyn, densaýlyq saqtaý baǵytynda keńester berý qajet dep esepteımiz», deıdi basylymnyń quryltaıshysy, «Adberry»JShS dırektory Nurlan Jaqsyǵulov. Jýrnaldyń bas redaktory Tatıana Novıkovanyń aıtýynsha, densaýlyq salasynda kóptegen ózgerister oryn alýda. Bul baǵytta turǵyndarǵa aqparattar jetispeıdi. "Sondyqtan jýrnalda túrli keńester, aqparattar, jańalyqtar berilip otyrady" deıdi T.Novıkova.
Basylymnyń ereksheligi - tegin taratylatyndyǵynda. 10 myń danamen shyǵatyn jýrnaldy qoǵamdyq oryndardan tabýǵa bolady.
