DENSAÝLYQ: Tumaý tıgen kezde kir sabynnyń paıdasy bar

•Máselen, adamnyń qolyna tiken nemese aǵashtyń jańqasy kirip ketken jaǵdaıda ony ınemen teskilep, janymyzdy aýyrtamyz. Osyndaıda kir sabyndy jyly sýǵa ezip, dákege qalyńdaý etip jaǵyp, tiken kirgen jerge tańyp qoısańyz, bir saǵattyń ishinde tiken ózinen-ózi syrtqa shyǵady.

•Eger shashyńyz qalyń ári uzyn bolǵanyn qalasańyz, onda mamandar shashyńyzdy kir sabynmen jýýǵa keńes beredi. Sýsabyndy paıdalanyp bolǵannan soń, artynsha basty kir sabynmen jýý kerek. Sodan soń sýǵa bir-eki tamshy sirke sýyn qosyp shashty qaıta jýsańyz, shashtyń túbin qataıtýǵa kómektesedi. Oǵan qosa, shash túse bastaǵanda dárigerler kir sabynmen jýynýǵa keńes beredi.

•Betti aptasyna eki ret kir sabynmen jýý kerek. Ol bettiń teri qabatyna tereń sińip, betti maılanýdan saqtaıdy. Kir sabynmen jýynǵannan keıin, artynan balalarǵa arnalǵan krem jaǵýdy umytpańyz.
•Monshaǵa túsýdi unatatyndarǵa keńes. Býǵa túserde sypyrǵyny kir sabyn salynǵan sýǵa batyryp qoldansa, terińiz tazaryp qana qoımaı, deneńiz sergip qalady.
•Sýly betoramaldy kir sabynǵa úıkep, aşy ıisin 5-10 mınýttan kúnine úsh ret ıiskep turǵan adam tumaýynan aıyǵady.
•Іrińdegen jaralarǵa syqpa maıyn jaǵa bergennen, kir sabynnyń kómegin paıdalanǵan da paıdaly. Ol úshin kir sabyndy iri úkkishten ótkizip, tabaǵa eni 1 santımetr etip jaımalap salyńyz. Ústinen sabynnyń kóleminen eki ese asatyndaı etip sút quıyp, ábden qoıý bolǵansha baıaý otta bir jarym saǵat boıy qaınatyńyz. Sýyǵan osy qospany juqalap qaǵaz betine jaǵyp, jara ústine dákemen orap qoısańyz jetip jatyr. Úsh kún qaıtalasańyz jaranyń irińdeýi qoıyp, tez jazylyp ketedi.
•Kógergen, jaraqattanǵan jerińizdi kir sabynmen jýsańyz, jarany asqynýynan jáne mıkrob týsýinen qorǵaıdy. Jaranyń betin kúnine eki-úsh ret jýsańyz jetkilikti.
•Kúıip qalǵan jaraǵa (sýǵa nemese otqa kúıgende) sabyndy ezip jaqsańyz isikti qaıtaryp, aýyrǵanyn basady.
•Dári-dármekten, ýly zattardan abaısyzda ýlanǵanda nemese sábıler metall zattardy jutyp qoıǵanda, azdap sabyn sýyn ishkizip, aýýhanaǵa jetkizýden buryn shuǵyl aldyn alý sharasyn júrgizýge bolady. Ony qoldanýda kóńil bóletin tustar: áste kóp mólsherde ishkizip jiberýge bolmaıdy. Taza sabyndy juqa japyraqtap týrap, qaınaǵan jyly sýǵa eritedi. Sosyn, eresek adamǵa 300-500 ml, al balalarǵa 100-200 ml ishkizseńiz ýly zat qusyqpen birge túsedi. Jáne matall zattardyń asqazandy zaqymdaýynan saqtana turýǵa bolady.
•It tistep alǵan jaǵdaıda qan toqtaǵannan keıin jaraǵa sabyn ertindisine malynǵan dákeni basyńyz.
•Qulap qalǵan jaǵdaıda dereý kir sabyndy jaǵyńyz,ol kógerýden saqtaıdy.
•Er adamdar qyrynǵannan keıin teri titirkense, kir sabynmen sabyndap qoıýǵa bolady. Kópirshik kebýin kútip, kepkennen keıin sýmen shaıyńyz.
Kerek keńes Internetten alyndy.