DENSAÝLYQ: Temekini qoıǵan adamnyń aýyz mıkroflorasy tez qalpyna keledi
ASTANA. QazAqparat - Temeki shegý tek ókpege ǵana zııan emes, sonymen birge ol aýyz qýysyndaǵy mıkrofloranyń ózgerýinen bolatyn obyrǵa ákep soqtyrýy múmkin. Mamandardyń esebinshe, adam aýyzynda bakterııanyń 600-ge jýyq túri bar. Olardyń árqaısysynyń óz róli bar, dep jazdy Zee News.
Mıkroflora buzylsa, onyń saldary da sonshalyqty qaýipti bolýy múmkin.
Aýyz qýysy obyrynyń paıda bolýy tórtten úsh jaǵdaıda temeki shegýge baılanysty bolsa da, bakterıologııalyq faktordy da joqqa shyǵarýǵa bolmaıdy. Ǵylymı zertteýler munyń ishinde temekini «birinshi» orynǵa shyǵardy. Ǵalymdar mıkrofloradaǵy bilingen ózgerister temeki tútinindegi kantserogendi qosyndylarǵa qarsy nemese aýyz qýysy aýrýlarynyń, ókpe, asqazan-ishek joldary qabynýynyń damýyna qarsy tabıǵı qorǵanyshty álsiretetinin dáleldedi.
Ázirge zertteýshiler shylymqorlardyń aýyz qýysyndaǵy mıkroflora men múldem temeki shekpegen, teris ádetten bas tartqan adamdardyń mıkroflorasynan qatty erekshelenetinin anyqtaı aldy.
Adam temeki shegýdi tastasa, mıkroflora qalpyna keledi eken.
10 jyl temeki shekpegenderdiń mıkroflorasy múldem temeki shekpegenderdiń mıkroflorasynan esh aıyrmashylyǵy bolmaı shyqqan.
