DENSAÝLYQ: Tabıǵı antıbıotıkter - FOTO
ASTANA. QazAqparat - Aýyrǵanda qoldanýǵa bolatyn tabıǵı antıbıotkterdi oqyrman nazaryna usynamyz. Málimetter anabol.kz saıtynan alyndy.
1. Aqjelkek (hren)
Aqjelkektiń tamyrynda qysha maılary jáne fermentter bar. Ony jaqqan kezde otteginiń áserinen eki zat birigip, allıl qysha maılary qalyptasady. Munyń ózi muryn men tynys alý joldarynyń bakterııalarymen kúresetin óte kúshti tabıǵı antıbıotık bolyp tabylady.
Traheıt, bronhıt, sozylmaly jótel kezinde: 1 as qasyq úgitilgen aqjelkekke 3 as qasyq bal qosyp aralastyryp, tundyryp qoıamyz. Daıyn bolǵannan soń kúnine 1 shaı qasyqtan 5 ret tutyný qajet, qospany aýyzda eritý qajet.
2. Múkjıdek
Zár shyǵarý joldaryndaǵy zııandy bakterııalardy tazalap, qýatty antıbıotık jáne vırýsqa qarsy zat retinde áreket etedi. Múkjıdek - tamasha antıoksıdant, bul erkin radıkaldardyń zııandy áserinen jasýshalardy qoǵaıtyn zattarǵa baı.
Múkjıdek kvasy
Múkjıdekti jýyp, jentekten, oǵan sý quıyp qaınatady da súzedi. Sonan soń alynǵan tunbaǵa qant qosyp qaıtadan qaınatady da, sýytady, (tunba shamaly jylý úshin). Sodan keıin ashytqy salyp, aralastyryp, bir táýlik qoıady. Shólmekke nemese bankaǵa quıyl, salqyn jerde saqtaıdy. 2-3 kúnnen keıin kvas ázir bolady. 800 g múk jıdegine: 350-400 g qumsheker, 40 g ashytqy kerek.
3. Sarymsaq
Sarymsaq qan, ishki organdar men tynys alý joldarynyń zııandy bakterııalary, ishek parazıtteri jáne vırýstardy joıýǵa kómektesedi. Ol qan qysymyn tómendetedi jáne qannyń uıýyn boldyrmaıdy. Sarymsaq isikke qarsy jáne deneni zııandy zattardan tazartady, sonyń arqasynda antıoksıdanttyq qasıetterge ıe.
Bir bólik sarymsaqta 400-ge jýyq paıdaly komponentter bar. Olar qandaǵy holesterın deńgeıin tómendetedi jáne qandy tazalaıdy. Týberkýlez taıaqshalarymen helıkobakterdi (asqazan jarasyn týdyrýshy bakterııa) joıyp, aǵzadaǵy qurttardy tazalaıdy.
4. Raıhangúl (bazılık)
Raıhangúl - tamasha tabıǵı antıbıotık. Dezınfektsııalyq, bakterıtsıdtik qasıetteriniń arqasynda, ol aǵzany kóptegen ınfektsııalardan qoǵaıdy.
Baspa (angına)
250 ml qaınaǵan sýǵa 4 shaı qasyq maıdalanǵan raıhangúl qosyp, 20 mınýt qaınatady. Sýytyp, táýligine 2-3 ret tamaǵyńyzdy shaıyńyz.
5. Kókjıdek
Bul jıdektiń quramynda aýrýdy tómendetip, sozylmaly qabyný saldaryn joıýǵa kómektesetin tabıǵı aspırın bar. Kókjıdek zár shyǵarý joldarynyń bakterııalaryn joıyp, antıbıotık retinde áreket etedi.
