DENSAÝLYQ: Sýsamyrdyń emi - shubat
ASTANA. QazAqparat - Ǵalym Musatilla Toqanov dıabetten qutqarýdyń ǵylymı negizin jasady, dep jazady «Egemen Qazaqstan» gazeti.
Sýsamyr dertine shıpa tappaı álemdik medıtsına daǵdaryp jatqanda shymkenttik ǵalym Musatilla Toqanov daýasyn túıe sútinen tapty. Qazir dúnıeni obyr aýrýy teńseltip tur. Álemdik medıtsına dármensiz. Biraq emin jappaı izdep jatyr. Máskeýdiń Gertsen atyndaǵy onkologııalyq ınstıtýtynyń professory R.I.ıAkýbovskaıa bastaǵan bir top ǵalymdar obyr aýrýynyń aldyn alatyn laprot degen preparatty óndiriske engizbekshi. Professor rakqa qarsy laktoferrın degen fermentti ana sútiniń aqýyzynan tapqan. Biraq ǵylymı jańalyqtyń ózindik qıyndyqtary az emes. Máselen, 1 gramm laktoferrındi alý úshin 25 áıeldiń súti óńdelýi kerek. Onyń ózindik quny 2500-3000 AQSh dollary. Al 100 gramm alý úshin 2,5 tonna ana súti kerek. Ǵalymnyń dáleldeýinshe túıe sútinen de laktoferrın alýǵa bolady. Sonymen qatar, túıe súti sıyr sútimen salystyrǵanda «S» dárýmeni 5 ese, «RR» 3 ese, «E» 2 ese, «temir» 10 ese, «kaltsıı» 1,5 ese, «laktoferrın» 30 ese kóp. Basqa qasıetterin sanamaǵanda qurt aýrýyna, ishek-qury-lystary, baýyr, dárýmen jetispeýshilik, qan azdyq jáne qant aýrýyna birden-bir emińiz túıe sútinde, delingen maqalada.
