DENSAÝLYQ: Sýdy az iship júrgen adamdaǵy ózgerister

1. Aýzyńyzdyń qurǵaǵanyn sezesiz

Sý jetispese, aýyzdyń ishinde bólinetin silekeı mólsheri kemıdi. ıAǵnı, aýyz ishi qurǵap, adam jaısyzdyq sezine bastaıdy.

2. Terińiz qurǵaı bastaıdy

Terige ylǵaldaný asa qajet. Qurǵaq teri - denege ylǵaldyń jetispeýin bildiretin basty sebepterdiń biri. Sýdyń jetispeýi aǵzadan kereksiz zattar men maıdyń shyǵýyn tejeıdi.

3. Qatty shóldeı bastaısyz

Bul aýyzdyń qurǵaýy degen sóz emes. Bul qansha sý ishseń de, qaıta-qaıta shóldeı beretin kezdegideı áser. Mysaly, mundaı sezimdi ishimdik iship kórgender biledi. Túnde ishimdiktiń saldarynan búkil dene boıyndaǵy sý mólsheri azaıyp, erteńinde shólin qandyrý úshin, óte kóp mólsherde sý ishýine týra keledi.

4. Kózdiń qurǵaýy

Sýdyń jetkiliksizdigin bildiretin belgilerdiń biri - kózdiń qurǵaýy. Sý jetpegen kezde jas shyǵarý ózekteri keýip ketedi. Bul kózge zııanyn tıgizýi múmkin. Ásirese, kózine lınza taǵatyndar úshin bul asa qaýipti.

5. Býynyńyzdyń aýyrǵanyn sezesiz

Bizdiń býyndar men sińirler 80%-ǵa sýdan turady. Bul bizdiń qımyl-qozǵalysymyzǵa qajet.

6. Bulshyqet massasy azaıady

Adamnyń bulshyqeti de sýdan turady. Sondyqtan aǵzada sý azaıǵan saıyn, bulshyqet mólsheri de kemı túsedi.

7. Kóp aýyra bastaısyz

Sý únemi aǵzadan toksınderdi shyǵarýǵa kómektesedi. Sizdiń organdar birtutas mehanızm retinde jumys isteıdi. Sý jetispegen aǵzada organdar sýdy basqa jerden, mysaly, qannan, ala bastaıdy. Sonyń saldarynan kóptegen problemalar týyndaıdy.

8. Jyldam sharshaısyz  jáne uıqyńyz kele beredi

Dene sýdy qannan ala bastaǵan kezde, barlyq organǵa jetkiziletin otteginiń mólsheri azaıady. Al otteginiń azaıýy mindetti túrde uıqyshyldyq pen sharshańqylyqqa ákelip soqtyrady. Bul degenimiz siz kún saıyn tez sharshap qalyp otyrasyz.

9. Qarnyńyz tez ashady

Sý jetispeıtin aǵza qarynnyń ashqany týraly sıgnal jibergish keledi. Bul kez kelgen ýaqytta oryn alýy múmkin. Kúndiz bolsyn, túnniń ortasynda bolsyn, oıansańyz boldy, as bólmege barǵyńyz kelip turady. Biraq taǵam ol aǵzany jaı ǵana jumys istetedi.  Al sý  aǵzany tazartyp, onyń basqy úderisterge aralasýyna yqpal etetin «janarmaı» rólin atqarady.

10. As qorytý joldaryńyz aýyrady

Aýyz qýysynyń shyryshty qabatyn ylǵaldandyrýdyń mańyzy zor ekenin aıttyq. Bul as qorytý joldaryna da qajet. Sý jetispegen kezde, asqazandaǵy shyryshtyń kólemi men tyǵyzdyǵy tómendep, asqazan qyshqyly búkil ishki organdarǵa zııanyn tıgizedi. Bul qyjylǵa nemese asqazan jumysynyń buzylýyna ákep soqtyrýy múmkin.

11. Erte qartaıý belgileri paıda bolady

Bizdiń aǵza ustap tura alatyn sý mólsheri jas ulǵaıa kele azaıa túsedi. Biz eseıgen  saıyn, sýdyń mólsherin de arttyryp otyrý qajet. Bet terisiniń qurǵaýyna baılanysty ájim de jyldam túsip, adamnyń aǵzasy da qartaıa bastaıdy, dep jazady anabol.kz.