Densaýlyq saqtaý júıesiniń sapa reıtınginde Qazaqstan 96 eldiń ishinde 58-orynda
Ranking.kz portalynyń málimetinshe, ındeks 100-ge jaqyndaǵan saıyn densaýlyq saqtaý júıesi jaqsy dep sanalady.
Reıtıngte densaýlyq saqtaý mamandarynyń deńgeıi, qural-jabdyqtar, personal, dárigerler men qyzmetterdiń quny baǵalanady.
TMD elderiniń ishinde Reseı, Armenııa, Ýkraına, Ázerbaıjan jáne Belarýs elderiniń kórsetkishteri Qazaqstannan tómen.
Reıtıngtiń basynda Taıvan, Ońtústik Koreıa jáne Japonııa tursa, sońǵy orynǵa Malta jaıǵasqan.
Qyrkúıek aıynyń qorytyndysynda elimizde ambýlatorlyq qyzmetterdiń baǵasy bir jylda 15,1 paıyzǵa ósti.
Óńirler boıynsha eń joǵary ósim Túrkistan (27,5 paıyz), Qaraǵandy (24,8) jáne Ulytaý (22,7) oblystarynda tirkeldi.
Ambýlatorııadaǵy dáriger mamandar qyzmeti 18,2, dárigerdiń alǵashqy qabyldaýy 16,8, stomatologııa qyzmeti 15,1, medıtsınalyq zerthanalar men rentgen kabınetteriniń qyzmeti 10,2 paıyz qymbattady.
2022 jyldyń ekinshi toqsanynda densaýlyq saqtaý qyzmetiniń kólemi 733,4 mlrd teńgeni qurady. Bul ótken jyldyń sáıkes kezeńimen salystyrǵanda aqshalaı túrde 2,7 paıyz az.
Óńirler boıynsha qyzmet kórsetýdiń eń úlken kólemi Almatyǵa tıesili - 140,3 mlrd teńge. Úzdik úshtikke elorda (106,7 mlrd teńge) men Qaraǵandy oblysy (49 mlrd teńge) kirdi.
Eń az qyzmet kórsetý kólemi Ulytaý oblysynda baıqaldy - 4,7 mlrd teńge.
Úsh aýtsaıder qataryna Abaı jáne Soltústik Qazaqstan oblystary da bar - 16,3 mlrd jáne 18,2 mlrd teńge.
