Densaýlyq saqtaý júıesinde birqatar problemalyq máseleler áli saqtalyp otyr - Esep komıteti

ASTANA. QazAqparat - QR Respýblıkalyq bıýdjettiń atqarylýyn baqylaý jónindegi esep komıteti 2011-2015 jyldarǵa arnalǵan «Salamatty Qazaqstan» memlekettik baǵdarlamasynyń, QR Densaýlyq saqtaý jáne áleýmettik damý mınıstrliginiń jekelegen bıýdjettik baǵdarlamalarynyń iske asyrylý tıimdiligine júrgizilgen memlekettik aýdıttiń qorytyndylaryn shyǵardy.

Esep komıtetiniń baǵalaýynsha, tutastaı alǵanda memlekettik baǵdarlama halyqtyń ómir súrý uzaqtyǵynyń ulǵaıýy, ana men náreste ólim-jitiminiń jáne jalpy ólim-jitimniń, týberkýlezben syrqattanýshylyqtyń tómendeýi, AITV-ınfektsııasynyń taralýyn ustaý sekildi segiz nysanaly ınıdıkatorǵa qol jetkizgen. Alaıda, soǵan densaýlyq saqtaý júıesinde birqatar problemalyq máseleler saqtalyp otyr.

«Atap aıtqanda, ulttyq skrınıngtik baǵdarlamany iske asyrý tıimdiliginiń tómendigi baıqalady. Máselen, profılaktıkalyq is-sharalardy júrgizý nátıjesinde aýrýlardyń anyqtalýy eresek halyqtyń arasynda - 3,4%-dy, balalar arasynda 16,4%-dy quraıdy. Medıtsına kadrlarynyń tapshylyǵy, ásirese aýyldyq jerlerdegi tapshylyǵy, medıtsına qyzmetkerleri sanynyń teńsizdigi, orta jáne joǵary medıtsınalyq bilimi bar qyzmetkerlerdiń biliktilik deńgeıiniń jetkiliksizdigi ózekti problema bolyp qalýda. 2015 jyly medıtsına joǵary oqý oryndarynda oqytý úshin 42 túlekke 144,5 mln. teńge bıýdjet qarajaty jumsalǵanymen, olar aýyldyq eldi mekenderde densaýlyq saqtaý uıymdarynda jumyspen óteýdi qamtamasyz etpegen», - delingen baspasóz baıanynda.

Jalpy alǵanda, Esep komıteti anyqtaǵan qarjylyq buzýshylyqtardyń jalpy somasy aýdıtorlyq is-shara barysynda tolyǵymen ótelgen jáne qalpyna keltirilgen 12,7 mlrd. teńgeni qurap otyr. Onyń ishinde tıimsiz paıdalanylǵan respýblıkalyq bıýdjet qarajaty - 34,6 mlrd. teńgeni, bıýdjet jáne ózge zańnamanyń rásimdik buzýshylyqtary - 18,4 mlrd. teńgeni qurady.