Densaýlyq saqtaý júıesinde 4 myńǵa tarta dáriger jetispeıdi - S. Qaıyrbekova
ASTANA. 18 aqpan. QazAqparat - Elimizdiń densaýlyq saqtaý júıesine 4 myńǵa tarta dáriger jetispeıdi. Bul týraly búgin Parlament Májilisinde densaýlyq saqtaý salasyn damytýǵa arnalǵan Úkimet saǵatynda málim boldy.
«Densaýlyq saqtaý salasyndaǵy kadr máselesi áli de ózekti. Bizde maman tapshy. 2009 jyly kadr jetispeýshiligi - 6 myń adamdy qurasa, 2010 jyly ol 5 myń dáriger boldy. Al búgingi tańda densaýlyq saqtaý júıesinde 4 myńǵa tarta dáriger jetispeıdi», - deıdi Densaýlyq saqtaý mınıstri Salıdat Qaıyrbekova.
Onyń aıtýynsha, bul baǵytta tıisti mınıstrliktermen jumystar jalǵasýda. «2007 jyldan beri memlekettik granttardyń jalpy sanynyń 30 paıyzdyq kvotasy aýyldyq jerlerdegi mamandarǵa berilgen. ıAǵnı, 2007 jyly medıtsına joǵary oqý ornyna túsip, 8 jyldan soń oqýyn bitiretin (2015 jylǵa qaraı-avt.) stýdentterdiń 30 paıyzy birden aýylǵa barady degen sóz. Al 2008 jyldan bastap stýdentterdi medıtsınalyq joǵary oqý oryndaryna osy tártippen qabyldaý 50 myńǵa deıin jetti. ıAǵnı, 2015-2016 jylǵa qaraı aýyldyq jerlerdi dárigerlermen qamtý kórsetkishi aıtarlyqtaı artatyny kútiledi», - deıdi mınıstr.
