Densaýlyq saqtaý júıesin modernızatsııalaý - basym baǵyttardyń biri - Asqar Begaıdarov
ASTANA. 15 aqpan. QazAqparat /Aınur Kenebaeva/ - Elimizdiń densaýlyq saqtaý júıesin jańa zaman talaptaryna saı modernızatsıalaý men álemdik standarttarǵa saı sapasyn arttyrý - Joldaý aıqyndap bergen qazirgi tańdaǵy basym baǵyttardyń biri.
Búgin Astana qalasy máslıhatynyń depýttary, medıtsına salasynyń ustazdary men stýdentteri qaýymynyń qatysýymen Joldaý júktegen mindetter men «Nur Otan» HDP-nyń XІІІ seziniń sheshimderin talqylaýǵa qatysty Astana medıtsınalyq ýnıversıtetinde ótkizilgen jıynda ýnıverstettiń jastar isi jónindegi dekany Asqar Begaıdarov osylaı dedi.
Partııa otyrysynda, bıylǵy jylǵy Joldaýdyń negizgi mindetterimen ushtasqan partııa jumysynyń basym baǵyttaryn anyqtaıtyn 2020 jylǵa deıingi partııanyń jańa baǵdarlamasy qabyldanǵan bolatyn. Jıynda partııanyń densaýlyq saqtaý júıesin jaqsartý salasyndaǵy jańa maqsattary men mindetteri sóz boldy.
«Joldaý júktegen memlekettik mańyzy bar mindetterdi talqylap, bolashaq mamandarǵa jetkizý, ári Qazaqstannyń medıtsına salasyn jetildirýdiń qazirgi zamanǵa saı jańa joldaryn izdestirý mańyzdy», - dedi Asqar Begaıdarov.
