Densaýlyq saqtaý jáne áleýmettik damý mınıstrligi jumyspen qamtýǵa qatysty jańa zań daıyndaýdy josparlap otyr
Tanystyrylym barysynda depýtat Aıtkúl Samaqova ózin-ózi jumyspen qamtýshylar máselesin kótergen bolatyn.
«Dál osy sanattaǵylar kórsetkishi Qazaqstanda jyl saıyn azaıyp kele jatqan joq. Máselen, bulardyń sany 2000 jyldary 2,7 mln. adamdy qurasa, jańa jumys oryndarynyń ashylyp jatqanyna qaramastan, bul kórsetkish esh kemigen emes. Aldaǵy ýaqytta osy mindet zań jobasy aıasynda qalaı sheshimin tabady», - dedi depýtat Aıtkúl Samaqova.
Óz kezeginde vıtse-mınıstr Svetlana Jaqypova ózin-ózi jumyspen qamtýshylar máselesine oraı arnaıy sharalar qabyldanyp jatqanyn tilge tıek etti.
«Jumyspen qamtý jol kartasy-2020» baǵdarlamasy aıasynda 270 myńnan astam jumys oryndary quryldy. Degenmen, nege ózin-ózi qamtýshylar azaımady degenge kelsek, bul rette eldegi ekonomıkalyq belsendi halyqtyń sany da artyp otyrǵanyn esten shyǵarmaýǵa tıispiz. ıAǵnı, eńbek naryǵyna jańa jumys kúshteri aǵylyp jatyr. Sondyqtan da olardyń árqaısysyna jumys taýyp, eńbekpen qamtý aldaǵy ýaqytta da bizdiń basty mindetimiz bolyp qala bermek», - dedi S.Jaqypova.
Onyń aıtýynsha, mınıstrlik «ózin-ózi jumyspen qamtyǵandar» uǵymyn aıqyndaýdy qaıta qaraýdy josparlap otyr.
«Qairgi tańda kóship-qonýshylardy jumyspen qamtý týraly zań jobasy Májilistiń qarýyna berildi. Úkimettiń zań jobalaý josparyna sáıkes, biz «Jumyspen qamtý týraly» jańa zań jobasyn daıyndaýdy qarastyramyz. Onda ózin-ózi jumyspen qamtýshylar uǵymy da naqtylanyp, qaıta qaralýy josparlanady», - dedi S.Jaqypova.