Densaýlyq saqtaý uıymdary azamattardyń óndiristik jaraqat alý faktilerin jasyrýda - QR Bas prokýratýrasy
TANA. 3 qarasha. QazAqparat /Marlan Jıembaı/ - Densaýlyq saqtaý uıymdary azamattardyń óndiristik jaraqat alý faktilerin jasyrýda. Bul týraly búgin Bas prokýratýranyń resmı ókili Nurdáýlet Súıindikov málim etti.
Onyń atap ótýinshe, Bas prokýratýra azamattardyń óndiristik jaraqat alý jaǵdaıy kezinde eńbek jáne halyqty áleýmettik qorǵaý organy qyzmetiniń zańdylyqty saqtaýyna tekserý júrgizgen. Nátıjesinde densaýlyq saqtaý uıymdarynyń óndiristik jaraqat alý faktilerin eńbek ınspektsııasyna habarlaý týraly zańnama talaptaryn oryndamaı otyrǵandyǵy belgili bolǵan. «Mysaly, Almaty oblysynyń medıtsınalyq mekemeleri óndiristik jaraqat alýǵa baılanysty azamattardyń 2156 júginý faktisiniń 22-si týraly ǵana ýákiletti organǵa habarlaǵan. Tekserý barysynda memlekettik eńbek ınspektorlarynyń ózderine belgili bolǵan óndiristik jaraqat alý faktileri boıynsha da áreket etpegen jaǵdaılardyń da bolǵandyǵyn anyqtady», - dedi ol.
Máselen, resmı ókildiń aıtýynsha, Balqash qalasynyń medıtsınalyq mekemeleri eńbek ınspektsııasyna jumys isteý kezinde jaraqat alýyna baılanysty densaýlyq saqtaý uıymyna júgingen 99 fakti týraly habarlaǵan. Degemen, 22 habarlama boıynsha eńbek ınspektorlary jumysshylardyń eńbek quqyqtaryn qorǵaýǵa baǵyttalǵan qandaı da bir sharalar qabyldamaǵan.
«Qostanaı oblysynda «Aq-Bıdaı Agro» JShS júrgizýshisi Koretskııdiń qaza tabýyna qatysty qaıǵyly jaǵdaı, Jambyl oblysynda «Shoqterek» JShS jumysshysy Tazabekovtiń jaraqat alýy faktisi prokýratýranyń aralasýymen ǵana tergele bastady», - dedi N.Súıindikov.
