Densaýlyq saqtaý ulttyq ortalyǵynyń referens-zerthanasy koronavırýsqa 10 myń test ótkizdi
Vırýs ınfektsııalaryn baqylaý referens-zerthanasy búgingi kúnge deıin COVID-19-ǵa shamamen 10 000 zertteý júrgizdi. Zerthananyń táýliktik qýaty - 300 úlgi. Zerthana ótkizý qabiletin táýligine 3000 úlgige deıin ulǵaıtýdy josparlap otyr.
Referens-zerthananyń negizgi mindeti - referenstik, arbıtrajdyq, verıfıkatsııalyq zertteý júrgizý jáne úlgilerdi qaıta testileýden ótkizý.
Zerthanada COVID-19 zerthanalyq dıagnostıkalaý úshin verıfıkatsııalanǵan test-júıeler, nátıjeni rastaý úshin - DDSU valıdatsııalanǵan jıyntyqtar paıdalanylady.
Sonymen qatar referens-zerthana tumaý boıynsha ulttyq ortalyq sanalady jáne DDSU-men, sondaı-aq TMD elderindegi Tumaý ulttyq ortalyqtarymen yntymaqtastyqty damytý jumystaryn belsendi atqarady.
Budan basqa zerthana mamandary respýblıkadaǵy COVID-19-ǵa test júrgizetin zerthanalarǵa uıymdastyrýshylyq-ádistemelik jáne praktıkalyq kómek kórsetedi, sondaı-aq ártúrli ınfektsııalar boıynsha sapany syrttaı baǵalaýdyń ulttyq baǵdarlamasyn júzege asyrady.
