Densaýlyq saqtaý salasyndaǵy táýelsiz sarapshylar ınstıtýtyn akkredıtteý protsedýrasy jetildiriledi
Bul týraly búgin QR Densaýlyq saqtaý mınıstrliginiń keńeıtilgen alqa otyrysynda vedomstvo basshysy Alekseı Tsoı aıtty, dep habarlaıdy QazAqparat tilshisi.
«2021 jyly densaýlyq saqtaý salasyndaǵy táýelsiz sarapshylar ınstıtýtyn akkredıtteý protsedýrasyn jetildirýdi qamtamasyz etýdi josparlap otyrmyz. COVID-19-ǵa shaldyqqan patsıentterge medıtsınalyq kómek kórsetetin medıtsınalyq uıymdardyń daıyndyǵyn baǵalaý turaqty negizde júzege asyrylady. 2020-2025 jyldarǵa arnalǵan Farmatsevtıkalyq jáne medıtsınalyq ónerkásipti damytý jónindegi keshendi jospardy júzege asyrý jalǵasady. Dárilik zattardy ulttyq tirkeýden EAEO erejelerimen tirkeýge kóshý, sonymen qatar EAEO aıasynda farmatsevtıkalyq ınspektsııany júzege asyrý josparlanyp otyr», - dedi mınıstr.
Onyń atap ótýinshe, densaýlyq saqtaý júıesiniń yqtımal tegeýirinderge daıyndyǵyn qamtamasyz etý úshin kórsetiletin medıtsınalyq qyzmetterdiń sapasyn arttyrý is-sharalary qabyldanyp jatyr. Osy maqsatta densaýlyq saqtaý sýbektileriniń medıtsınalyq qyzmet kórsetý salasyna baqylaý kúsheıtildi.
«Sonymen qatar dárilik zattar men medıtsınalyq buıymdar aınalymy salasynda da baqylaý kúsheıtilip otyr», - dedi Alekseı Tsoı.