Densaýlyq saqtaý salasynda memlekettik-jekeshelik áriptestikti damytý mańyzdy - T. Qulybaev
Alqa otyrysynda UKP Farmatsevtıkalyq, medıtsınalyq ónerkásip jáne medıtsınalyq qyzmetter komıtetiniń keltirgen málimetterine qaraǵanda, byltyrǵy jyly otandyq óndirýshilerdi qoldaý baǵytynda birqatar júıeli sharalar atqarylǵan. Máselen, farmetsevtıkalyq jáne medıtsınalyq ónimderdi jetkizý boıynsha uzaqmerzimdi kelisimsharttar engizý tetigi engizildi, farmatsevtıka tájirıbesine qatysty yntalandyrý quramdastary qamtyldy, otandyq kásiporyndardyń tirkelimi barysyndaǵy óndiristik shyǵyndary tómendetilgen. Budan bólek, qazaqstandyq kásipkerler úshin ortalyq turǵyn úı jáne qoǵamdyq ǵımarattarda medıtsınalyq kabınetter ashý múmkindigi qarastyryldy.
Jıyn barysynda «100 naqty qadam» Ult josparyn júzege asyrý boıynsha atqarylatyn sharalar pysyqtaldy. Óz kezeginde Tóraǵa T. Qulybaev jeke sektordyń medıtsına salasyndaǵy qyzmetiniń belsendiligine toqtalyp ótti. «Qazirgi kúni Mindetti áleýmettik medıtsınalyq qyzmet júıesine jeke sektordyń qatysýynan jeke medıtsınalyq uıymdar úshin de, memleket úshin de kútiletin tıimdilikti anyqtaý mańyzdy. Sonymen qatar, búgingideı jahandyq daǵdarys jaǵdaıynda bıznesti jan-jaqty qoldaý asa qajet», -dedi T. Qulybaev.
Budan basqa, Tóraǵa qoldanystaǵy mehanızmge sáıkes densaýlyq saqtaý salasy nysandaryn senimdi basqarýǵa berý baǵyty boıynsha medıtsına qyzmetkerlerine jadynama ázirleýdi tapsyrdy. «Óıtkeni, osy arqyly biz medıtsınadaǵy jeke sektordy da damytýǵa jol ashamyz. Eń bastysy memlekettik-jekeshelik áriptestik ınstıtýty bıznes pen memlekettiń ortaq mindetterin sheshýde mańyzdy ról ataqrady», dedi T. Qulybaev.