Densaýlyq saqtaý salasyna quıylatyn ınvestıtsııa kólemi artty

ASTANA. QazAqparat - 2017 jyly densaýlyq saqtaý salasynda negizgi kapıtalǵa quıylǵan ınvestıtsııa 1,4 esege artty. Bul týraly búgin Úkimet otyrysynda 2016-2019 jyldarǵa arnalǵan «Densaýlyq» memlekettik baǵdarlamasynyń ótken jylǵy qorytyndysy boıynsha esep bergen QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.

«Jalpy baǵdarlamada 3 maqsatty ındıkator qarastyrylǵan, 2017 jyldyń qorytyndysy boıynsha barlyq ındıkatorlar boıynsha aralyq mánderge qol jetkizildi. 36 nátıje kórsetkishteri qarastyrylǵan, onyń ishinde 5 kórsetkish oryndalmady. 123 is-shara qarastyrylǵan, onyń ishinde 2017 jyly bitý merzimimen 47 is-shara, onyń ishinde 1 shara oryndalmady, 9 shara merziminiń buzylýymen oryndaldy. Baǵdarlamany iske asyrýǵa 2017 jyly 180,3 mlrd teńge bólindi, onyń 176,1 mlrd teńgesi nemese 97,7 paıyzy ıgerildi», - dedi mınıstr.

Sonymen qatar, ol 2017 jyl qorytyndysy boıynsha densaýlyq saqtaý júıesiniń kórsetkishteri ekonomıkanyń salasy retinde oń dınamıkaǵa ıe ekendigin atap ótti.

«2017 jylǵy qańtar-jeltoqsan aralyǵandaǵy densaýlyq saqtaý salasynda negizgi kapıtalǵa quıylǵan ınvestıtsııalar 2016 jylǵy 61 mlrd teńgeden 91 mlrd teńgege deıin ósip, 1,4 esege artty. Ósim negizinde jeke ınvestıtsııalardyń ulǵaıýyna jáne memlekettik-jekeshelik áriptestik jobalardyń iske asyrylýyna baılanysty boldy», - dedi Tımýr Súleımenov.