Densaýlyq saqtaý salasyna bólinetin qarajat óńirler boıynsha birkelki emes - sarapshy
NUR-SULTAN. QazAqparat - Árbir qazaqstandyqta emhanany ózi tańdaý múmkindigi bar. Bul týraly Densaýlyq saqtaý salasy bıýdjetiniń ashyqtyǵyna júrgizilgen monıtorıng nátıjelerine qatysty ótken «Antikor.Live» baǵdarlamasynda aıtyldy, dep habarlaıdy QazAqparat tilshisi.
«Bizdiń elimizdegi ár aımaq ártúrli sıpattamasy boıynsha erekshelenedi. Medıtsınalyq qyzmetterge ortasha medıtsınalyq shyǵyndar ártúrli. Mysaly, Almaty oblysynda bir adamǵa shamamen 45 myń teńge, al elorda turǵynyna 159 myń teńge jumsalady. Bul 2018 jylǵy málimetter boıynsha kórsetkish», - deıdi Ekonomıka jáne densaýlyq saqtaýdy qarjylandyrý máseleleri jónindegi sarapshy jáne konsýltant Marat Mamaev.
Onyń aıtýynsha, mundaı jaǵdaıdyń basty sebebi - búkil ınfraqurylym elordada ornalasqan.
«Adam medıtsınalyq kómek alý úshin Nur-Sultanǵa barady. ıAǵnı aqsha osynda quıylady, óıtkeni elordada kóptegen ulttyq ortalyqtar, ǵylymı ınstıtýttar, respýblıkalyq klınıkalar jáne basqalary shoǵyrlanǵan. Másele mynada: elimizdegi turǵyndardyń shyǵys mólsheri biryńǵaı, birkelki emes. Bul úlken másele, ony bir jónge keltirý kerek. Ol ońaı jumys emes, sebebi ár adamda emhanany tańdaý múmkindigi bar. Mysaly, Almaty oblysynan kelgen adam astanada emdelgisi kelse, oǵan eshqandaı kedergi bolmaýy kerek. Bul jerde másele basqada: Almaty oblysynyń turǵyny medıtsınalyq kómekti ne sebepti sol jaqta júrip ala almaıtyǵynda», - deıdi ol.
