Densaýlyq saqtaý salasyn odan ári jetildirýdiń is-sharalar kesheni ázirlenedi
NUR-SULTAN. QazAqparat – Ult densaýlyǵyn nyǵaıtý Úkimettiń basym mindeti sanalady. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.
«Ult densaýlyǵyn nyǵaıtý Úkimettiń basym mindeti bolyp tabylady. Memleket basshysy densaýlyq saqtaýdy jáne jalpy áleýmettik salany qarjylandyrý tásilderin qaıta qaraýdy tapsyrdy. Biz medıtsınalyq ınfraqurylymdy, onyń ishinde memlekettik-jekemenshik áriptestik mehanızmderin qoldaný arqyly jaqsartý jóninde keshendi is-sharalar qabyldaýymyz qajet», - dedi Álıhan Smaıylov búgin Úkimet otyrysynda.
Sondyqtan Premer-Mınıstr Densaýlyq saqtaý mınıstrligine Qarjy mınıstrligimen jáne múddeli memlekettik organdarmen birlesip, densaýlyq saqtaý salasyn odan ári jetildirý boıynsha is-sharalar keshenin ázirleýdi tapsyrdy.
