Densaýlyq saqtaý salasy qyzmetkerleri úshin qyzmettik jataqhana salý múmkindigin qarastyrý qajet - Á. Jaqsybekov
ASTANA. QazAqparat - Densaýlyq saqtaý salasynyń qyzmetkerleri úshin jergilikti bıýdjetten áleýmettik toptamany keńeıtý, qyzmettik jataqhanalar salý múmkindigin qarastyrý qajet, dedi elorda ákimi Ádilbek Jaqsybekov Astana qalasy máslıhaty otyrysynda sóılegen sózinde. Bul týraly astana.kz habarlady.
«Densaýlyq saqtaý salasynda aýrýlardyń aldyn alýǵa jáne boldyrmaýǵa, alǵashqy medıtsınalyq kómek kórsetý men emhana qyzmetteriniń sapasyn arttyrýǵa basymdyq berilýi kerek. Búgin qalada belgili bir dárejede bilikti medıtsınalyq kadrlardyń jetispeýshiligi baıqalady. Densaýlyq saqtaý salasynyń qyzmetkerleri úshin jergilikti bıýdjetten áleýmettik toptamany keńeıtý, qyzmettik jataqhanalar salý múmkindigin qarastyrý qajet», - dedi ákim. Sonymen qatar, qala basshysy medıtsınalyq kolledjdiń jańa tıptik ǵımaratyn salý máselesin qarastyratyn ýaqyt jetkenin aıtty.
