Densaýlyq saqtaý nysandarynyń jańartylǵan sanıtarlyq qaǵıdalary bekitildi
«Jańa redaktsııasynda densaýlyq saqtaý salasyndaǵy bıznes úshin tosqaýyldar bolyp tabylatyn normalardyń shamamen 30 paıyzy alyp tastaldy, sondaı-aq basqa da normatıvtik quqyqtyq aktilerde qaıtalanatyn talaptar qysqartyldy. Bul - medıtsınalyq qaldyqtardy tasymaldaýǵa jáne zalalsyzdandyrýǵa; medıtsınalyq maqsattaǵy buıymdardy sterıldeýge jáne zararsyzdandyrýǵa; densaýlyq saqtaý obektilerine óndiristik baqylaý júrgizý jaǵdaılaryna qoıylatyn talaptar. Sondaı-aq qurylysqa jer ýchaskelerin tańdaýǵa, nysandy jobalaýǵa, rekonstrýktsııalaýǵa jáne qaıta jabdyqtaýǵa, densaýlyq saqtaý nysandarynyń aýdanyna qoıylatyn, QNjQ-da (qurylys normalary jáne qaǵıdalary) qaıtalanatyn talaptar alyp tastaldy»,-dep atap ótilgen mınıstrlik málimetinde.
Jańa tehnologııalardyń engizilýine baılanysty gemodıalız, dermatologııa-kosmetologııa, plastıkalyq jáne estetıkalyq hırýrgııa sııaqty kórsetiletin qyzmetterge qosymsha sanıtarlyq talaptar ázirlendi, sonymen qatar bul talaptar ońaltý ortalyqtaryna da, onyń ishinde pallıatıvtik kómek jáne meıirgerlik kútim kórsetetin uıymdarǵa da qatysty. Osy qaǵıdalardyń qabyldanýy densaýlyq saqtaý salasynda shaǵyn bıznesti damytý úshin ákimshilik tosqaýyldardy joıyp qana qoımaı, halyq úshin medıtsınalyq qyzmetterdi kórsetý sapasyn jaqsartýǵa múmkindik beredi.
Sanıtarııalyq qaǵıdalardyń jobasy densaýlyq saqtaý uıymdarymen, ǵylymı mekemelermen, bıznes qoǵamdastyǵymen, halyqaralyq sarapshylarmen, akkredıttelgen qaýymdastyqtar sarapshylarymen, sondaı-aq «Atameken» Ulttyq kásipkerler palatasymen talqylanǵandyǵyn esterińizge salamyz.