Densaýlyq saqtaý nysandary erekshe baqylaýǵa alyndy - Tótenshe jaǵdaılar mınıstri

NUR-SULTAN. QazAqparat – Qarasha aıynyń sońyna deıin densaýlyq saqtaý nysandaryn tekserý nátıjesi Úkimetke usynylady. Bul týraly QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.

«Jylytý maýsymyna daıyndyqty esepke ala otyryp, 417 jylý energııasymen qamtamasyz etý jáne 4 322 bilim berý nysandaryna tekserý júrgizildi. Onyń ishinde 47 jylý elektr ortalyǵy jáne 565 oqý orny ereje buzý jaǵdaıynda paıdalanylýda», - dedi mınıstr Úkimet otyrysynda.

Osy oraıda ol tıisti aqparat ýákiletti organdar men ákimdikterge joldanǵanyn jetkizdi.

«Pandemııaǵa baılanysty densaýlyq saqtaý nysandary erekshe baqylaýǵa alyndy, 1 409 nysan esepte tur. Qarasha aıynyń sońyna deıin tekserý sharalary boıynsha aqparat Úkimetke usynylady», - dedi ıÝrıı Ilın.

Budan buryn habarlanǵandaı, Úkimet otyrysynda Premer-Mınıstr Asqar Mamın bir aı ishinde barlyq óńirde gaz-tehnıkalyq ınspektsııany qurýdy tapsyrdy.