Densaýlyq saqtaý mınıstrliginiń eki komıteti qaıta quryldy

NUR-SULTAN. QazAqparat - QR Densaýlyq saqtaý mınıstrliginiń Qoǵamdyq densaýlyq saqtaý jáne Farmatsııa komıtetteri biriktirildi, dep habarlaıdy QazAqparat «Ádilet» aqparattyq-quqyqtyq portalyna silteme jasap.

Osylaısha, QR DSM Taýarlar jáne kórsetiletin qyzmetterdiń sapasy men qaýipsizdigin baqylaý komıteti quryldy.

«QR DSM Qoǵamdyq densaýlyq saqtaý komıteti» RMK men «QR DSM Farmatsııa komıteti» RMK «QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti» RMK qosý jolymen, QR DSM Qoǵamdyq densaýlyq saqtaý komıtetiniń jáne Farmatsııa komıtetiniń aýmaqtyq bólimsheleri - respýblıkalyq memlekettik mekemeleri qaıta uıymdastyrylsyn», - delingen tıisti qaýlyda.

Respýblıka boıynsha 250 aýmaqtyq bólimsheler jańa komıtettiń basqarmalary men departamentterine aınaldy. Sonymen birge, 9 obaǵa qarsy stantsııa men Dárilik zattardy, medıtsınalyq buıymdardy saraptaý ulttyq ortalyǵy men Ulttyq saraptama ortalyǵy Taýarlar jáne kórsetiletin qyzmetterdiń sapasy men qaýipsizdigin baqylaý komıtetiniń basqarýyna berildi.

Sáıkes qaýly alǵashqy resmı jarııalanǵan kúninen keıin qoldanysqa engizilgen.