Densaýlyq saqtaý mınıstrligine qarasty uıym jemqorlyq daýyna ilikti

NUR-SULTAN. QazAqparat – Nur-Sultan qalasynyń Ekonomıkalyq tergeý departamenti Densaýlyq saqtaý mınıstrligi janyndaǵy sharýashylyq júrgizý quqyǵyna ıe respýblıkalyq memlekettik kásiporyndardyń biriniń ǵımaratyn jóndeý kezinde bıýdjet qarajatyn urlaý faktisi boıynsha qylmystyq isti tergeýge aldy, dep habarlaıdy QazAqparat.

Departamenttiń baspasóz qyzmetiniń málimdeýinshe, jóndeý jumystaryn memlekettik satyp alý týraly shart aıasynda elordalyq JShS-niń biri júrgizgen. Jedel-izdestirý is-sharalary jumystardyń tolyq kólemde oryndalmaǵany ashqan. Al oryndalǵan jumystardyń aktilerine qol qoıylyp, merdigerge jumys aqysy tolyq kólemde tólenip ketken.

«Qylmystyq Kodekstiń 189-baby 3-bóliginiń 1-tarmaǵy (senip tapsyrylǵan bóten múlikti iri mólsherde ıemdenip alý nemese talan-tarajǵa salý) boıynsha tergeý júrgiziledi. Qylmystyq is júrgizý tártibi boıynsha, sotqa deıingi tergep-tekserýdiń ózge de derekteri tergeý múddesine oraı jarııa etilmeıdi», - delingen resmı málimette.