Densaýlyq saqtaý mınıstrliginde jumys keńesi ótti
ASTANA. 5 tamyz. QazAqparat - Búgin QR Densaýlyq saqtaý mınıstrliginde Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary D.Esimovtyń tóraǵalyǵymen jumys keńesi ótti.
Keńes jumysyna úkimettik emes uıymdar, Komıtettiń jáne aýmaqtyq bólimsheleriniń qyzmetkerleri qatysty, dep habarlady QR Densaýlyq saqtaý mınıstrliginiń baspasóz qyzmeti.
Jıyndy ótkizýdiń negizgi maqsaty - úkimettik emes uıymdar tarapynan densaýlyq saqtaý salasynda biliktilik emtıhandaryn ótkizý jobasynyń júzege asyrylýyn talqylaý boldy.
Aǵymdaǵy jyly Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyn iske asyrý aıasynda densaýlyq saqtaý bıýdjetinde azamattyq qoǵamdastyq pen úkimettik emes uıymdardy tartý, onyń ishinde 12 mln. teńge kóleminde memlekettik áleýmettik tapsyrysty ornalastyrý arqyly biliktilik emtıhandaryn ótkizýge qarjy qarastyrylǵan.
Bul joba, eń aldymen, medıtsına qyzmetkerleriniń, atap aıtqanda, kásiptik ortadaǵy biliktilik deńgeıin anyqtaýǵa baǵyttalǵan. Bul mamandardyń teorııalyq jáne praktıkalyq daǵdylaryn jaqsy meńgerýine yqpal etedi.
Keńeste komıtettiń, onyń aýmaqtyq bólimsheleri men áleýmettik tapsyrys sheńberinde atalǵan qyzmetterdi memlekettik satyp alý jónindegi konkýrstyń jeńimpazdary bolyp tanylǵan 4 úkimettik emes uıymnyń ózara is-áreket etý, sondaı-aq ákimshilik kedergilerdi tómendetýge, baqylaý-ruqsat berý fýnktsııalaryn qysqartýǵa baılanysty máseleler de talqylandy.
