Densaýlyq saqtaý mınıstrliginde Jaýapty hatshy S.Mýsınovtyń V Azamattyq forým delegattarymen kezdesýi ótti

TANA. 6 qazan. QazAqparat. Búgin Densaýlyq saqtaý mınıstrliginde Jaýapty hatshy S.Mýsınovtyń jáne qurylymdyq bólimshe jetekshileriniń V Azamattyq forým delegattarymen kezdesýi ótti, dep habarlaıdy mınıstrliktiń baspasóz qyzmeti.

S. Mýsınov óz sózinde halyqtyń densaýlyǵyn nyǵaıtý memlekettiń eń mańyzdy mindetteriniń biri ekenin atap ótti.

Azamattyq qoǵamdy damytý Kontseptsııasyn júzege asyrý, úkimettik emes sektormen yntymaqtastyqty nyǵaıtý jáne qoǵamdyq ómirdi demokratııalandyrý maqsatynda Mınıstrlik tarapynan ÚEU-dy densaýlyq saqtaý salasyndaǵy mindetterdi birlesip sheshýge tartý arqyly is-sharalar iske asyrylýda.

Densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynyń negizigi baǵyttarynyń biri qoǵamdyq densaýlyqty saqtaýda sektoraralyq jáne vedomstvoaralyq ózara árekettesý tıimdiligin arttyrý bolyp tabylady.

Búginde densaýlyq saqtaý salasynda 100-den astam ÚEU jumys jasaıdy. AITV/JITS-tyń aldyn-alý máseleleri boıynsha 90-nan astam úkimettik emes uıym, týberkýlezben kúresýge 12-den astam halyqaralyq jáne 20 qoǵamdyq uıym men qorlar kómektesýde.

«Salamatty Qazaqstan» memlekettik baǵdarlamasy aıasynda áleýmettik mańyzdy jobalarǵa qarajat bólý qarastyrylǵan.

Mınıstrlik aǵymdaǵy jyly alǵash ret ÚEU arasynda áleýmettik tapsyrys ornalastyrdy. Bul jobalar boljamdy ómir súrý uzaqtyǵyn arttyrý, salaýatty ómir saltyn nasıhattaý jáne reprodýktıvti densaýlyqty nyǵaıtý, qant dıabetimen aýratyn patsıentterdiń ómir súrý sapasyn jaqsartý, profılaktıkalyq medıtsınany ary qaraı nyǵaıtýǵa baǵyttalǵan.

Birqatar jobalar medıtsınalyq qyzmettiń jáne dári-dármekpen qamtamasyz etý sapasyna, BMSK júıesi úshin áleýmettik qyzmetkerlerdi daıyndaýǵa, medıtsınalyq qyzmetkerlerdiń bedelin arttyrýǵa, sondaı-aq memlekettik baǵdarlamany monıtorıngileýge arnalǵan.

Kezdesý dıalog túrinde ótti. Delegattar ózderin qyzyqtyratyn barlyq suraqtaryna tolyq jaýap aldy.

S. Mýsınov salanyń normatıvtik quqyqtyq bazazyn ázirleýge, densaýlyq saqtaý salasynyń konsýltatsııalyq-keńesshi organdarynyń, halyqpen jáne buqaralyq aqparat quraldarmen aýrýlardyń aldyn-alýy máseleleri, salaýatty ómir saltyn nasıhattaý boıynsha jumysqa belsendi qatysýshy barlyq qoǵamdyq uıymdarǵa alǵys bildirdi.

Mınıstrliktiń ÚEU-men seriktestik qarym-qatynasqa negizdelgen ózara árekettestigi, sektoraralyq jáne salaaralyq sıpattaǵy máselelerdi sheshýge, árbir azamattyń óz densaýlyǵy men qoǵam densaýlyǵy úshin jaýapkershiligin arttyrýǵa yqpal etedi.