Densaýlyq saqtaý mınıstrliginde jańa komıtet quryldy
ASTANA. Qazannyń 27-si. QazAqparat /Gúlmıra Álıakparova/ - QR Densaýlyq saqtaý mınıstrliginde Medıtsınalyq qyzmetterdi satyp alý jónindegi jańa komıtet jasaqtaldy.
Bul týraly búgin ótken brıfıngte vedomstvo basshysynyń orynbasary Eljan Birtanov málim etti, dep habarlaıdy QazAqparat.
Medıtsınalyq qyzmetterdi satyp alý jónindegi komıtet 2010 jylǵy qańtardyń 1-nen bastap Qazaqstannyń aýrýhanalarynda engizilgeli otyrǵan «Densaýlyqty saqtaýdyń biryńǵaı ulttyq júıesi» negizinde jasaqtaldy.
Vıtse-mınıstrdiń aıtýynsha, komıtettiń ár aımaqta aýmaqtyq bólimsheleri bolady jáne olardyń mindetine medıtsınalyq qyzmetterdi jetkizý jáne naýqastarǵa kórsetilgen qyzmetter úshin aqy tóleý boıynsha kelisimsharttardy jasaý kiredi.
Sondaı-aq jańa komıtet qazir mınıstrlikte istep turǵan Farmatsevtıkalyq baqylaý komıtetimen birlesip jumys jasaıtyn bolady dep josparlanýda.
