Densaýlyq saqtaý mınıstrliginde onkologııalyq járdem salasyna Ǵalamdyq bıýdjetti engizý máseleleri talqylandy
ASTANA. 9 qyrkúıek. QazAqparat - Densaýlyq saqtaý mınıstrliginde onkologııalyq qyzmetterge arnalǵan Ǵalamdyq bıýdjet qaǵıdasy boıynsha medıtsınalyq qyzmetterdiń jáne dári-dármekpen qamtamasyz etýdiń tólemaqy júıesin engizý máseleleri talqylandy, dep habarlady vedomstvonyń baspasóz qyzmetine silteme jasap primeminister.kz.
«Barlyq deńgeıde dárimen qamtamasyz etýge ketetin shyǵyndy qosa alǵanda naýqas úshin aqy tóleýdi qarastyratyn Ǵalamdyq bıýdjet júıesin engizýdegi maqsat - qaterli isik aýrýlaryna shaldyqqan naýqastardyń ómir sapasyn jaqsartý», - delingen habarlamada.
Budan ózge, selektorlyq rejimde ótken keńeste onkologııalyq qyzmet menedjmentin kóterý, naýqastardyń medıtsınalyq qyzmetke qanaǵattanýshylyǵyn arttyrý, olardy dári-dármekpen jetkilikti qamtamasyz etý jóninde tapsyrmalar júkteldi.
Keńes jumysyna oblystardyń, Astana jáne Almaty qalalarynyń densaýlyq saqtaý basqarmalary, oblystyq onkologııalyq dıspanserlerdiń bas dárigerleri qatysty.
