Densaýlyq saqtaý mınıstrliginde óńirlerdegi statsıonarlar men ambýlatorlyq-emhanalyq toptardyń jetekshileriniń qatysýymen keńes ótti
ASTANA. 21 shilde. QazAqparat - Búgin QR Densaýlyq saqtaý mınıstri Salıdat Qaıyrbekova óńirlerdegi statsıonarlar men ambýlatorlyq-emhanalyq toptardyń 100-den astam jetekshisiniń qatysýymen keńes ótkizdi,
dep habarlady atalǵan vedomstvonyń baspasóz qyzmeti.
Alqaly jıyn 2010 jyly Memleket basshysy bekitken elimizdiń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasy aıasynda densaýlyq saqtaý júıesine qazirgi zamanǵy menedjmentti engizýde úzdik tájirıbeni tartý jónindegi jobany júzege asyrý máselesine arnaldy.
Bul jobanyń maqsaty - oqytý jáne úzdik tájirıbeni taratý arqyly densaýlyq saqtaý uıymdaryn tıimdi basqarýdy arttyrý bolyp tabylady. Jobaǵa elimizdiń 100 medıtsınalyq uıymy (50 statsıonar men 50 ambýlatorlyq-emhanalyq kómek uıymdary) qatysady.
Ony júzege asyrý kezeń-kezeńmen ótedi. Qorytyndysy boıynsha 2011 jyldyń sońyna deıin «úzdik tájirıbeniń ósý núktesin» qurý, 2012 jyldyń sońyna deıin respýblıkanyń barlyq medıtsınalyq uıymdaryna menedjment salasyna úzdik tájirıbeni engizý josparlanýda. Bolashaqta 100 tabysty uıym halyqaralyq tanylǵan standart boıynsha akkredıtteýden ótedi.
Keńeste medıtsınalyq qyzmetter naryǵynda medıtsınalyq uıymdar arasyndaǵy básekelestik ortany damytý boıynsha memlekettik baǵdarlamada qoıylǵan mindetterdi iske asyrý úshin densaýlyq saqtaý salasyn basqarýynyń negizgi baǵyttary talqylandy.
Memlekettik baǵdarlamada medıtsınalyq uıymdardy sharýashylyq júrgizý quqyǵyndaǵy memlekettik kásiporyn mártebesine (budan ári - ShJQ MK) kezeń-kezeńmen aýystyrý josparlanǵan, bul densaýlyq saqtaý salasyn basqarý, qarjylandyrý, ınvestıtsııalyq saıasat júıesin jetildirý, medıtsınalyq uıymdar qyzmetteriniń ekonomıkalyq tıimdiligin arttyrýǵa jáne kadrlyq qamtamasyz etý máselelerin sheshýge yqpal etedi.
Mınıstrlik oblystardyń jáne Astana, Almaty qalalary ákimdikterimen birlesip, densaýlyq saqtaý uıymdaryn 2010-2012 jyldary kezeń-kezeńmen ShJQ MK-ǵa qaıta uıymdastyrý kestesin ázirlep, bekitti. Osylaı, ShJQ MK mártebesi bar medıtsınalyq qyzmetterdi usynýshylardyń sany 2010 jyldyń aıaǵynda 49 bolsa, qazirgi ýaqytta 112-ke deıin jetti.
2011 jylǵy naýryzdan bastap densaýlyq saqtaý salasyndaǵy ǵylym jáne bilim berý uıymdarynyń bazalarynda menedjerler men esepteý qyzmetkerlerin daıarlaý bastaldy. 2011 jyly 1 618 mamandy oqytý josparlanýda, jarty jyldyqtyń qorytyndysy boıynsha 700 adam oqytyldy.
Qazirgi tańda, QR Densaýlyq saqtaý mınıstrligi ótkizip otyrǵan is-sharalar densaýlyq saqtaý salasyndaǵy basqarýshylyq júıeni jetildirýge jáne kásiptik menedjerler ınstıtýtyn engizýge baǵyttalǵan.
