Densaýlyq saqtaý mınıstrligi jyl saıyn 70 adamdy kvotamen shetel aýrýhanalaryna jiberedi
Bul týraly búgin Ortalyq kommýnıkatsııalar qyzmetinde ótken brıfıng barysynda vedomstvonyń vıtse-mınıstri Alekseı Tsoı málim etti.
Onyń aıtýynsha, burynǵydaı emes, qazir Qazaqstannyń medıtsınasy jaqsarǵan, sondyqtan, kóptegen aýrý túrleri elimizde de emdeledi. Áıtse de, keıbir sırek kezdesetin syrqatqa shaldyqqan nemese kúrdeli operatsııa jasatýǵa muqtaj adamdardy mınıstrlik kvotamen shetel aýrýhanalaryna jiberip otyrady.
"Ózderińiz bilesizder, qazir Qazaqstannyń medıtsınasy damyǵan, bizdiń eldiń aýrýhanalary men klınıkalary kóptegen aýrýlardy jazyp, kúrdeli operatsııalardy jasaı alady. Tipti, sońǵy birneshe jylda donor taýyp, organdardy transplantatsııalaý qoljetimdi boldy. Qajetti quraldar, medıtsınalyq ozyq tehnologııalar jeterlik. Áıtse de, Úkimet bekitken birqatar baǵyttar bar. Halyq arasynda anyqtalǵan aýrýlardyń tizimine sáıkes, kvota boıynsha jylyna 50-70 adamdy shetel aýrýhanalaryna jiberemiz. Bul tizim shekteýli, azamattarymyzdyń kóbi bizdiń medıtsınanyń arqasynda tolyq emdele alady",-dep túsindirdi vıtse-mınıstr.