Densaýlyq saqtaý mınıstrligi jurtshylyqty onkologııalyq kómekti damytý baǵdarlamasy men tujyrymdamalar jobalaryna usynys-pikirlerin qosýǵa shaqyrdy
ASTANA. 26 naýryz. QazAqparat - Qazaqstan Respýblıkasynyń Densaýlyq saqtaý mınıstrligi Qazaqstan Respýblıkasynda onkologııalyq kómekti damytýdyń 2012-2016 jyldarǵa arnalǵan baǵdarlamasynyń,
Densaýlyq saqtaýdyń kadrlyq resýrstaryn damytýdyń 2012-2020 jyldarǵa arnalǵan Tujyrymdamasynyń jáne Qazaqstan Respýblıkasynda densaýlyq saqtaý uıymdary úshin medıtsınalyq tehnıkany josparlaý jáne satyp alý Tujyrymdamasynyń jobalaryn ázirledi.
Atalǵan jobalar Mınıstrliktiń www.mz.gov.kz saıtynda «Talqylaýǵa arnalǵan jobalar» bóliminde jarııalandy.
Qazaqstan Respýblıkasynda onkologııalyq kómekti damytý baǵdarlamasynyń jobasy boıynsha usynys, pikirlerdi g.kulkaeva@mz.gov.kz elektrondyq meken-jaıyna;
Densaýlyq saqtaýdyń kadrlyq resýrstaryn damytý Tujyrymdamasynyń jobasy boıynsha usynys, pikirlerdi a.syzdykova@mz.gov.kz , smailova@mz.gov.kz elektrondyq meken-jaılaryna;
Qazaqstan Respýblıkasynda densaýlyq saqtaý uıymdary úshin medıtsınalyq tehnıkany josparlaý jáne satyp alý Tujyrymdamasynyń jobasy boıynsha usynys, pikirlerdi r.nurmuhanov@mz.gov.kz , g.murzahmetov@mz.gov.kz elektrondyq meken-jaılaryna jiberýge bolady.
Densaýlyq saqtaý júıesiniń tıimdiligi búkil qoǵamnyń belsendi aralasýyna, úılesimdi is-áreketine jáne ár adamnyń onyń damýyna qosqan úlesine baılanysty. Sondyqtan da mınıstrlik osy oraıda, atalǵan jobalardy talqylaýǵa jurtshylyqty belsendi qatysýǵa shaqyrdy.
