Densaýlyq saqtaý mınıstrligi jedel kómek qyzmeti úshin 2,7 myńnan astam kólik satyp almaq
Bul týraly búgin Idýstrıaldyq forým aıasynda QazAqparat tilshisine QR Densaýlyq saqtaý vıtse-mınıstri Erik Baıjúnisov málim etti.
«Densaýlyq saqtaý salasynyń búgingi tańdaǵy jalpy qajettiligi 2770 jedel kómek kóligin quraıdy. Qazir biz otandyq óndirýshilermen uzaqmerzimdi memorandýmǵa qol qoıdyq. Jyl saıyn biz kezeń-kezeńmen bul kólikterdi satyp alyp, qajettiligimizdi tolyǵymen jabatyn bolamyz», - dedi ol.
BUl oraıda vıtse-mınıstrdiń atap ótýinshe, qazirde aýyldyq medıtsınalyq mekemeler arnaıy kólikpen qamtamasyz etilgen. Biraq ta olar ÝAZ kólikteri. Al atalǵan kólikterde medıtsınalyq jabdyqtar joq.
«Barlyq medıtsınalyq uıymdardy zamanaýı jedel járdem mashınalarymen qamtamasyz etip, damýdyń jańa kezeńine ótýdi qalaımyz. Bul kólikter ózimizde qurastyrylady. Sonymen qatar baǵasy da qoljetimdi», - dedi E.Baıjúnisov.
Aıta keteıik, «Qazaqstandyq qamtý-2012» forýmy aıasynda elimizdiń Densaýlyq saqtaý mınıstrligi "Saýda" jáne "SaryarqaAvtoProm" jaýapkerligi shekteýli seriktestikterimen memorandýmǵa qol qoıǵan bolatyn.
