Densaýlyq saqtaý mınıstrligi Jastardyń densaýlyq saqtaý ortalyqtaryn 2013 jylǵa qaraı 90-ǵa jetkizýdi josparlap otyr

Bul týraly atalmysh vedomstvonyń baspasóz qyzmetinen málim etti.

Qazaqstan Respýblıkasynyń densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasynda salaýatty ómir saltyn qalyptastyrýǵa erekshe kóńil bólingen. Osy maqsatta jastarmen jumys isteýdiń negizgi baǵyttarynyń biri Jastardyń densaýlyq ortalyqtaryn ashý bolyp otyr. Jastardyń Densaýlyq ortalyqtarynyń ózge medıtsınalyq uıymdardan ereksheligi, olarda medıtsınalyq, psıhologııalyq, zańgerlik, áleýmettik sııaqty keshendi kómekter kórsetiledi. Ortalyqtardyń qyzmeti jastar arasynda aýrýlardyń aldyn alýǵa baǵyttalǵan, málimetterdiń qupııalyǵyna jáne taratylmaıtynyna kepildik beriledi.

Búgingi tańda Qazaqstanda jastardyń 44 densaýlyq ortalyǵy jumys isteıdi. 2011 jyly respýblıka boıynsha osyndaı ortalyqtardan 185 myń adam kómek aldy, olardyń 43 paıyzy - erler, 57 paıyzy - áıelder. Aıta ketetin jaıt, azamattar negizinen gınekolog jáne ýrolog sııaqty mamandardan dárigerlik keńester alyp, psıhologtar men zańgerlerdiń kómegine júgingen. Jastardyń densaýlyq saqtaý ortalyqtarynyń qyzmeti tıimdiligin jáne jastarmen jumys isteýde qajettiligin kórsetti. Mundaı ortalyqtar bolashaqta da syrqattardyń aldyn alý sharalaryn júzege asyrýǵa jáne salaýatty ómir saltyn nasıhattaýǵa múmkindik beredi.