Densaýlyq saqtaý mınıstrligi jalpy bilim oshaqtarynda sanıtarlyq-epıdemııaǵa qarsy is-sharalar júrgizý týraly qaýly shyǵardy
ASTANA. 18 tamyz. QazAqparat - Infektsııalyq aýrýlardyń, tamaqtan ýlanýdyń aldyn alý, bilim berý uıymdaryna qoıylatyn sanıtarlyq-epıdemıologııalyq talaptardy saqtaý maqsatynda QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń tóraǵasy - QR Bas memlekettik sanıtarlyq dárigeriniń mindetin atqarýshy N. Sádýaqasov «Jalpy bilim beretin mektepter men ınternattyq uıymdarda sanıtarlyq-epıdemııaǵa qarsy (profılaktıkalyq) is-sharalar júrgizý týraly» qaýly shyǵardy.
Bul aqparatty QR Densaýlyq saqtaý mınıstrliginiń baspasóz qyzmeti taratyp otyr.
Osy qaýlyǵa sáıkes, oblystaryń, Astana men Almaty qalalarynyń memlekettik sanıtarlyq-epıdemıologııalyq qadaǵalaý organdaryna jalpy bilim beretin mektepter men ınternattyq uıymdardyń 2011-2012 jańa oqý jylyna daıyndyǵyn baqylaýǵa alýǵa, halyqtyń sanıtarlyq-epıdemıologııalyq salaýattylyǵy salasyndaǵy zańnama talaptary buzylǵan jaǵdaıda, olardy paıdalanýǵa tyıym salýǵa tapsyrma berildi.
Mektepterdiń daıyndyq nátıjelerin densaýlyq saqtaý jáne bilim berý basqarmalarymen birlesken keńesterde talqylaý josparlanýda.
