Densaýlyq saqtaý mınıstrligi, Tutynýshylar lıgasy jáne Ulttyq densaýlyq saqtaý palatasy arasynda memorandým jasaldy
«Qazaqstannyń tutynýshylar lıgasy» qaýymdastyǵy» zańdy tulǵalar birlestiginiń prezıdenti S. Romanovskaıa jáne «Ulttyq densaýlyq saqtaý palatasy» jeke kásipkerler men qaýymdastyq tóraǵasy M. Quljanov arasynda ózara is-qımyl týraly memorandýmǵa qol qoıyldy.
Eske sala ketsek, kásipkerlikti damytý jónindegi keńeste Elbasy N. Nazarbaev memleket pen bıznestiń jumysy tutynýshylardyń múddelerin jáne quqyqtaryn qorǵaý arqyly júrgizilýi qajet ekenin atap ótken bolatyn. Al memlekettiń bıznes-qurylymdarmen jáne tutynýshylardyń quqyqtaryn qorǵaý uıymdarymen ózara árekettestigi densaýlyq saqtaý júıesi úshin patsıentterdiń quqyqtaryn qorǵaýda mańyzdy ról atqaratyny belgili.
«Meniń oıymsha, Densaýlyq saqtaý mınıstrliginiń Qazaqstannyń tutynýshylar lıgasymen yntymaqtasýy patsıentterdiń quqyqtaryn qorǵaý men saqtaý boıynsha birlesken jumysymyzdyń tıimdiligin arttyra túsetin bolady», - deıdi mınıstr S.Qaıyrbekova.
Memorandým sheńberinde taraptar ózderine birqatar mindetter alady. Máselen, Qazaqstannyń tutynýshylar lıgasy - mınıstrlikti patsıentter quqynyń buzylýy týraly aqparattandyrýdy, sondaı-aq olardyń quqyqtaryn qorǵaý boıynsha kómekter kórsetýdi qamtamasyz etedi. Turǵyndar arasynda qoljetimdi, sapaly, ýaqytyly medıtsınalyq kómek alýǵa qatysty túsindirý jumystaryn atqarady. Al Ulttyq densaýlyq saqtaý palatasy - densaýlyq saqtaýdy jáne kásipkerlikti damytý máseleleri boıynsha halyqaralyq uıymdardyń, úkimettik emes uıymdardyń arasynda baılanys ornatýdy, medıtsına qyzmetkerleriniń áleýmettik mártebesin kóterýdi, otandyq farmatsevtıkanyń óndirisine qoldaýdy kúsheıtýdi óz mindetine alady.
Jalpy alǵanda memorandým taraptardyń densaýlyq saqtaý salasyn jetildirýge, onyń ishinde patsıenttiń dárigerdi, medıtsınalyq uıymdy erkin jáne teń tańdaýyna, kórsetiletin qyzmettiń sapaly bolýyna, medıtsınalyq qyzmet salasyndaǵy básekelestikti qalyptastyrýǵa jaǵdaı týǵyzady.
