Densaýlyq saqtaý mınıstrligi ShQO-da sý basqan eldi mekenderge baqylaýdy kúsheıtti
Baspasóz málimetterine qaraǵanda, búgingi kúni sý tasqynynan zardap shekken eldi mekenderdegi, onyń ishinde halyqty ýaqytsha ornalastyrǵan jerlerdegi epıdemıologııalyq jaǵdaı turaqty.
«Shyǵys Qazaqstan oblysynyń Aıagóz, Kúrshim, Glýbokoe, Zaısan, Zyrıan, Úrjar, Ulan aýdandary men Óskemen qalasyn sý basýǵa baılanysty halyq arasynda toptyq ınfektsııalyq aýrý jaǵdaılary tirkelgen joq. Sý basqan jáne kóshirilgen halyq ornalastyrylǵan jerlerde jedel medıtsınalyq járdem brıgadalary kezekshilik atqarýda. Sonymen birge turǵyndar men sý tasqyny kezinde zardap shekken adamdar turatyn jerlerdiń jaǵdaıyn baqylaýdy uıymdastyrý jáne júzege asyrý úshin tájirıbeli dárigerlerden, epıdemıologtardan, gıgıenısterden, dezınfektorlardan turatyn shuǵyl toptar jumys isteýde»,-delingen komıtettiń habarlamasynda.
Aýyz sýdyń qaýipsizdigine turaqty monıtorıng uıymdastyryldy. ShQO turǵyndaryn sý qubyry jáne qoǵamdyq qudyqtar sýynyń lastaný faktileri týraly, sondaı-aq sarqyndy sýdyń jer betine shyǵýy týraly Komıtettiń feısbýktegi paraqshasyna jáne myna telefondar arqyly ýaqtyly habarlaýdy suraımyz:
ShQO Qoǵamdyq densaýlyq saqtaý departamenti: 8/7232/76-85-99;
Astana qalasyndaǵy QR DSM Qoǵamdyq densaýlyq saqtaý komıteti: 8 /7172/ 74-17-40 jáne elektrondyq adres: koozmzrk@gmail.com.
ShQO-daǵy TJ aımaqtaryndaǵy jaǵdaı Qazaqstan Respýblıkasy Densaýlyq saqtaý mınıstrliginiń turaqty baqylaýynda tur.