Densaýlyq saqtaý mınıstrligi salany tsıfrlandyrýǵa kedergi bolǵan máseleni atady

NUR-SULTAN. QazAqparat – Prezıdent synyna ilikken vedomstvo salany tsıfrlandyrýǵa qolbaılaý bolǵan basty máseleni túsindirdi.

Densaýlyq saqtaý vıtse-mınıstri Beıbit Esenbaevtyń deregine sáıkes, búginde vedomstvo men onyń quzyretine kiretin organdardy tsıfrlandyrýmen aınalysatyn uıym joq.

«Densaýlyq saqtaý júıesin tsıfrlyq transformatsııalaý úshin negizgi kedergi - uıymdastyrýshylyq-tehnıkalyq, ádisnamalyq jumystardy qamtamasyz etetin uıymnyń bolmaýy. Máseleni sheshý úshin elektrondyq densaýlyq saqtaýdyń biryńǵaı júıesin qamtıtyn zańnamalyq deńgeıde bekitilgen ókiletti organ bolýy tıis. Saldarynan qazirgi aqparattyq júıege degen senimsizdik týyndap otyr.

Sondyqtan mınıstrliktiń maqsaty – barlyq medıtsınalyq mekemelerdiń aqparattyq júıelerin biriktirý. Tolyq tsıfrlyq transformatsııa jasaý», - dep jaýap berdi vıtse-mınıstr QazAqparat tilshisiniń saýalyna oraı.

Beıbit Esenbaevtyń málimdeýinshe, aldaǵy ýaqytta dárilik zattardy tirkeýden bastap, medıtsınalyq uıymdardaǵy dıagnostıka protsesterine deıin tsıfrlyq transformatsııa júrgiziledi.

Budan bólek, vıtse-mınıstr qazaqstandyqtardyń derbes medıtsınalyq derekteri qalaı qorǵalatynyna toqtaldy.