Densaýlyq saqtaý mınıstrligi salany tsıfrlandyrýdan qashyp otyr - Prezıdent

NUR-SULTAN. QazAqparat – Densaýlyq saqtaý júıesin tsıfrlandyrý baıaý júrýde. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Kelesi ózekti másele – densaýlyq saqtaý júıesin tsıfrlandyrý. Bul jumys óte baıaý júrip jatyr. Jalpy, tsıfrlandyrýdyń qazirgi deńgeıi dárigerlerdiń jumysyn jeńildetip otyrǵan joq», - dedi Qasym-Jomart Toqaev.

Memleket basshysy densaýlyq saqtaý salasynda 40-tan astam aqparattyq júıe jumys isteıtindigin atap ótti.

«Ár júıeniń óz kemshilikteri bar. Mınıstrlik bolsa, jaýapkershilikten qashyp, naqty sheshim qabyldamaı otyr. Al, munyń zardabyn dárigerler men azamattar tartýda. Úkimet osy máseleni tez arada sheshýi kerek», - dedi Qazaqstan Prezıdenti.