Densaýlyq saqtaý mınıstrligi «Respýblıkalyq jedel medıtsınalyq járdem ǵylymı ortalyǵy» AQ bazasynda transplantologııany damytpaq
ASTANA. 31 jeltoqsan. QazAqparat - QR Densaýlyq saqtaý mınıstrligi «Respýblıkalyq jedel medıtsınalyq járdem ǵylymı ortalyǵy» AQ bazasynda transplantologııa jáne gematologııa sııaqty mańyzdy baǵyttardy damytýda,
dep habarlady vedomstvonyń baspasóz qyzmetinen.
«Bul baǵyttar medıtsınada eń joǵary tehnologııaly bolyp tabylady jáne eldegi densaýlyq saqtaý salasynyń damý deńgeıin kórsetedi. Búgingi tańda búırektiń sozylmaly jetispeýshiligi men leıkozdardy emdeýdiń eń tıimdi ádisi - búırek jáne súıek kemiginiń transplantatsııasy jónindegi operatsııalar», - delingen baspasóz habarlamasynda.
Máselen, 2010 jylǵy jeltoqsanda táýelsiz memleketimizdiń tarıhynda alǵash ret kóptegen mıelomasy bar naýqasqa diń jasýshalarynyń aýtologııalyq transplantatsııasy júzege asyryldy, bul aýrýdyń qaıtýyna qol jetkizýge múmkindik týǵyzady.
Koreıa Respýblıkasynyń mamandarymen birlesip ótken sheberlik sabaqtary sheńberinde Astanada alǵash ret Respýblıkalyq jedel medıtsınalyq járdem ǵylymı ortalyǵynyń bazasynda týystyq búırektiń transplantatsııasy júzege asyryldy. Bolashaqta diń jasýshalarynyń aýtologııalyq transplantatsııasyn jylyna 10-ǵa deıin jetkizý jáne allogendi transplantatsııaǵa daıyndalý josparlanýda.
