Densaýlyq saqtaý mınıstrligi «nasybaı» satýǵa tyıym salmaq
ASTANA. 12 qyrkúıek. QazAqparat - QR Densaýlyq saqtaý mınıstrligi Qazaqstan aýmaǵynda «nasybaıdyń» satylýyna tyıym salatyn bolady. Bul týraly búgin Parlament Májilisinde «Halyq densaýlyǵy jáne densaýlyq saqtaý júıesi týraly» Kodekske engiziletin ózgerister men tolyqtyrýlar boıynsha baıandaǵan Densaýlyq saqtaý mınıstrliginiń jaýapty hatshysy Serikbol Mýsınov málim etti.
Jaýapty hatshynyń aıtýyna qaraǵanda, el aýmaǵynda nasybaı satýǵa tyıym salynbas buryn, oǵan aldymen zań júzinde nasybaıǵa beriledi. Sosyn nasybaıdyń Qazaqstan aýmaǵynda satylýyna tyıym salý tetigin zańǵa engizý qarastyrylady. «Búgingi tańda densaýlyq saqtaý mınıstrligi jastar arasynda keń beles alyp bara jatqan nasybaıǵa áýestenýshilikke qarsy kúres sharalaryn qarastyrýda. Jalpy nasybaı - shegilmeıtin temekiniń túri. Halyqaralyq málimetterge sáıkes, nasybaı aýyzda, as qorytý júıelerinde qaterli isik týdyrady», - dedi S. Mýsınov. Aıta keteıik, zań jobasynyń 1-shi babymen «nasybaı - aýyzǵa salyp sorýǵa arnalǵan temeki, áktas pen basqa temeki emes qospalardan jasalǵan shegilmeıtin temeki buıymdarynyń túri» degen túsinik berilgen.
