Densaýlyq saqtaý mınıstrligi men densaýlyq saqtaý salasy qyzmetkerleriniń kásipodaq uıymy salaaralyq kelisimge qol qoıdy

Atalmysh qujattyń maqsaty  densaýlyq saqtaý uıymdary qyzmetiniń turaqtylyǵy men tıimdiligini qamtamasyz etý jáne osy saladaǵy áleýmettik-ekonomıkalyq jáne eńbek qatynastaryn retteý bolyp tabylady. Kelisim talaptary boıynsha, qol qoıýshy taraptar ózderine birqatar mindetter júkteıdi. Naqtyraq aıtqanda, olar turǵyndarǵa tıimdi medıtsınalyq qyzmet kórsetý júıesin qalyptastyrý maqsatynda «Salamatty Qazaqstan» baǵdarlamasynyń aıasynda tıisti is-sharalar uıymdastyrady. Sonymen qatar densaýlyq saqtaý salasy qyzmetkerleriniń eńbekaqylaryn tóleý júıesin reformalaý baǵytynda túrli konsýltatsııalar men kelisilgen sharalardy júzege asyrady. Densaýlyq saqtaý nysandary qyzmetkerleriniń quqyqtary men múddelerin qorǵaý úshin Densaýlyq saqtaý mınıstrligi baqylaýshy keńesterge kásipodaq uıymynyń ókilderin tartyp, olardy densaýlyq saqtaý salasyndaǵy normatıvti-quqyqtyq aktilerdi qaraý jónindegi komıssııanyń otyrysyna qatystyryp otyratyn bolady.  Al kásipodaqtar óz kezeginde eńbekkerlerdiń quqyqtary men múddelerin qorǵaý mindetin moınyna alady. Atalmysh qujat talaptarynyń oryndalýyn baqylaýdy áleýmettik áriptestik pen áleýmettik jáne eńbek qatynastaryn retteý jónindegi arnaıy komıssııa júzege asyrady.